Connect with us

Ferizaj

Në gjykimin ndaj Faik Graincës, Arben Kurteshi thotë se peticioni i tij përmbante vetëm 21 nënshkrime

Published

5 years ago

on

Në Gjykatën Themelore të Ferizajt ka vazhduar seanca gjyqësore ndaj ish-drejtorit të Urbanizmit në komunën e Ferizajt, Faik Grainca, i cili akuzohet se gjatë hartimit dhe miratimit të Planit Zhvillimor Komunal ka keqpërdorur pozitën zyrtare dhe ka falsifikuar dokumente.

 Në seancën e sotme është dëgjuar i akuzuari Arben Kurteshi, i cili ishte dorëzues i peticionit të banorëve që ishin pro ndërtimit të lartë në rrugën “Astrit Bytyqi”, peticion ky i cili ishte marrë për bazë që kjo rrugë të shndërrohet në zonë të ndërtimit të lartë, meqë peticioni i Kurteshit kishte më shumë nënshkrime krahasuar me atë të Bekim e Imri Halitit në të cilin kishin nënshkruar qytetarët që ishin kundër ndërtimeve të larta në atë pjesë të Ferizajt.

Kurteshi i cili akuzohet se ka falsifikuar peticionin, deklaroi se ai i kishte mbledhur vetëm 21 nënshkrime dhe se nuk ka njohuri se si peticionit të tij iu shtuan edhe nënshkrime të tjera.

“Nga lindi ideja me mbledh nënshkrime?”, pyeti gjyqtari Sahit Krasniqi.

“Ka pas diskutime publike, mandej me Faruk Lipovicën kemi biseduar se ai është aktivist i lagjes dhe ai i ka mbledh në pjesën e vet nënshkrimet unë në timen dhe  unë përveç në pjesën time ku i kam mbeldh 21 nënshkrime dhe jap përgjegjësi për to, unë në asnjë shtëpi s’kam dalë me mbledh nënshkrime”, tha Kurteshi.

Kurteshi u pyet se a ka mbledhur edhe dikush tjetër nënshkrime të banorëve që ishin pro ndërtimit të lartë në rrugën ”Astrit Bytyqi” .

”Përveç teje dhe Faruk Lipovicës që qenkeni marrë vesh, kush tjetër ka qenë duke mbledh nënshkrime pro ndërtimit të lartë?”, pyeti Krasniqi.

“Përveç dëshmitarit që ka qenë këtu, miku i Farukut, që tha kam dalë me mbledh për Farukun, për dikënd tjetër nuk kam njohuri që dikush tjetër ka qenë duke mbledh nënshkrime”, u përgjigj Kurteshi.

Në këtë seancë, trupi gjykues i udhëhequr nga Sahit Krasniqi, vendosi që të refuzoj kërkesën e palës së dëmtuar, në këtë rast Bekim Halitit, që të vendoset masë e sigurisë dhe të ndalohet ndërtimi i objektit të lartë në parcelën 2939-0 në rrugën”Astrit Bytyqi”, me arsyetimin se një kërkesë e tillë e parashtuar edhe më parë pranë kësaj gjykatë ishte hedhur  poshtë në shqyrtimin gjyqësor të mbajtur më datën 1 prill 2019.

Related Topics:
Continue Reading
Click to comment

Leave a Reply

Your email address will not be published. Required fields are marked *

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

on

18 March, 2026

By

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Continue Reading

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

on

17 March, 2026

By

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.  

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë  ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Continue Reading

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

on

13 March, 2026

By

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim

#

Continue Reading

Trending