Ferizaj

Hapet Panairi i Librit në Ferizaj

Published

6 years ago

08 October, 2020

Edicioni i dytë i Panairit të Librit është hapur sot në Ferizaj. Në këtë panair shkrimtarë dhe dhjetëra shtëpi botuese ekspozuan tituj të librave të ndryshëm.

Pjesëmarrësit e këtij panairi thanë se kjo është një mundësi e mirë që lexuesve t’ua sjellin librat sa më afër.

“Mirë është duke shkuar, sot është dita e parë dhe besoj derisa të përhapet lajmi se është panairi. Kemi diku rreth 30 tituj, kanë të bëjnë me biznes, psikologji, ka interesim të moshave të ndryshme, prandaj paniret janë reklamë e mirë dhe sidomos kur organizohen në qytete të ndryshme“, tha Jetmir Kërqeli nga shtëpia botuese “Buzuku dhe Pema”.

“Është shumë mirë, panairet janë mundësi e mirë për të gjithë edhe botuesit edhe lexuesit, ka ngritje të leximit të librit, nuk është keq, edhe pse duhet të jetë edhe më mirë”, tha Zymer Haliti.

Edhe lexuesit e mirëpritën këtë panair.

“Është një punë shumë e mirë që ia vlen të organizohet më shpesh, libri është arma më e fortë, nëse don me pas armë merre librin”, tha Mustafë Beqiri, vizitor i panairit.

“Po më vjen mirë që panairi po mbahet në Ferizaj, jam lexues i rregullt, jam fans i filozofisë, kështu që shikova se çka ka prej filozofisë, çmimi po duket i lirë, përveç që ka sasi të mjaftueshme edhe çmimet janë të mira, panairet gjithmonë janë mundësi e mirë për çdo gjë”, tha Flamur Sallahu, vizitor i panairit.

Pjesë e hapjes së këtij panairi ishin edhe figura politike. Zëvendësministri i Kulturës Halil Matoshi, tha se kjo ministri planifikon që të ndihmoj këtë sektor.

“Ministria e Kulturës pos që e ka mbështetur këtë aktivitet sivjet, 160 mijë euro i ka dhënë për autorët, botuesit, e shpërndarësit e librit, po ashtu planifikojmë që edhe 100 mijë euro t’i investojmë në librin, sepse shkrimtari gjerman ka thënë libri është armë, merre në dorë”, tha Matoshi.

“Pandemia ka stopuar shumë procese dhe hapja e disa mundësive për aktivitete shtesë po besoj që është mirë për të gjithë edhe për dashamirët e librit, atyre të artit e kulturës dhe ky panair është mundësi e mirë për t’u takuar të gjithë së bashku”, tha Eliza Hoxha, deputete e Kuvendit të Kosovës.

“Kënaqësi të shohim se po ndërtojmë një kulturë të paraqitjes së mirë të librit, po vërehet qartë që qytetarët e duan librin, prandaj është detyrë e jona që t’ua sjellim librin më afër”, tha Gazmend Bytyçi, deputet i Kuvendit të Kosovës.

Kurse, udhëheqësja e Klubit Letrar ”De Rada” në Ferizaj, klub ky që është organizator i këtij panairi, kërkoi nga qytetarët që ta vizitojnë këtë panair.

“Unë i falënderoj të gjithë botuesit që i janë përgjigjur ftesës sonë që të jenë sot këtu që t’i ofrojnë botimet e tyre për lexuesit tanë, ndërsa qytetarët i ftoj që ta vizitojnë panairin, që të investojnë në këtë lëmi, të blejnë libra sepse ky është investimi më jetëgjatë që mund të bëhet”, tha Zyrafete Shala.

Panairi i Librit “Ferizaj 2020” do të qëndroj i hapur tri ditë.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar