Arsim

Personeli i gjimnazit ”Kuvendi i Arbrit” rezulton negativ për COVID-19 në ritestimin e bërë brenda dy ditësh

Published

4 years ago

07 October, 2020

Dje rezultoi pozitiv me COVID-19, ndërsa sot testi i doli negativ. Është ky ndihmësi teknik Hajrush Reshani, i cili punon në gjimnazin “Kuvendi i Arbrit” në Ferizaj, që gjatë ditës së djeshme bashkë me 4 kolegët e tij, një profesor dhe një nxënëse rezultuan se janë infektuar me koronavirus, por nga ritestimi që ata e bën e kuptuan se nuk janë infektuar, përveç nxënëses të cilës për të dytën herë testi i doli pozitiv.

Reshani thotë se kjo situatë e ka shqetësuar mjaft shumë.

“Me tregu drejt u shqetësova, një herë më thanë pozitiv, me thirrën të nesërmen me bë testin apet, shkova e bëna sot dhe më thirrën që kam dalë negativ, nuk e di, simptoma nuk kam pasur fare, na ka shqetësu mjaft, duhet me i shiku ata testet pak më mirë”, tha ai.

Për rezultatet e ndryshme brenda një periudhe të shkurtër kohore, zëvendësdrejtoresha e shkollës Dardane Beqiri, thotë se do të kërkojnë llogari nga Instituti i Shëndetit Publik, teksa thekson se procesi mësimor do të vazhdojë sipas rekomandimeve shëndetësore, përveç klasës së 11 ku ka rezultuar pozitive nxënësja.

“Ne si shkollë sot ose nesër do të kërkojmë një sqarim nga Instituti se si kanë rrjedhur këto lëshime apo gabime, pasi është krijuar një tollovi këtu në shkollë. Brenda një dite kanë dalë rezultate të ndryshme, me datën 5 janë testu, me datën 6 kanë ardhë rezultatet, ndërsa kur janë ritestu dje, sot kanë rezultate të tjera me përjashtim të nxënëses e cila ka rezultuar pozitive për të dytën herë, pra klasa 11/7 vazhdon mësimin online, ndërsa procesi mësimor vazhdon për të tjerët ashtu sipas skenarit të mëhershëm”, tha Beqiri.

Në këtë gjimnaz sot po u merreshin strishot mësimdhënësve të cilët nuk janë testuar asnjëherë. E disa nga ta nuk pranuan ta realizojnë atë. Minire Kurteshi profesoreshë e matematikës në këtë shkollë, thotë se nuk dëshiron ta kryej testin pasi nuk ka besim tek Instituti.

“Ne i kemi 1700 nxënës, secili nxënës i ka dy prindër, mos të flasim, me mijëra njerëz, prindër, nxënës e qytetarë që janë të shqetësuar, mua më brengosë ky rast, sot pritet me bë këta tjerët, por besim nuk kemi më në institucione, pse me dalë herë pozitiv herë negativ, pardje u bë testi kanë rezultuar dje pozitiv 7 persona, sot rezultuan negativ prej dje deri sot, unë mendoj se nuk janë të ndërgjegjshëm dhe duhet me i paditë se nuk guxon kështu me kriju shqetësim, duhet me marrë përgjegjësi për rezultate e jo me dalë herë pozitiv herë negativ, nuk është në rregull”, tha Kurteshi.

Në testimet që janë bërë ditën e djeshme, pozitive ka rezultuar edhe një nxënëse e po të njëjtës klasë me nxënësen që u testua dy herë dhe në të dyjat doli pozitive.

Arsim

Të enjten në Ferizaj ndihmohen prindërit për aplikim për subvencionimin e librave

Published

8 months ago

30 August, 2023

administrator

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Arsim

Në E-Kosova hapet platforma për subvencionimin e librave shkollorë

Published

8 months ago

25 August, 2023

administrator

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.

Arsim

Më shumë se gjysma e nxënësve ferizajas patën rezultat negativ në testin e arritshmërisë vitin e kaluar

Published

1 year ago

29 March, 2023

administrator

Më shumë se gjysma e nxënësve që mbaruan klasën e nëntë më 2022 patën rezultat negativ në testin e arritshmërisë.

Sipas të dhënave nga Drejtoria e Arsimit të Ferizajt, 53.4% e këtyre nxënësve apo 896 nga ta patën rezultat negativ kurse 46.6% apo 780 nxënës patën rezultat pozitiv.

Më mirë në rezultate qëndrojnë maturantët ferizajas të cilët në afatin e parë rezultat pozitiv patën 77.8% e tyre e 22.2% patën rezultat negativ.

Edhe në afatin e gushtit, ku në provimin e maturës hynë 309 maturantë, 186 nga ta patën rezultat pozitiv kurse 123 negativ.