Ferizaj

Ndërprerja e rrymës prej 14 orësh shkakton telashe në Spitalin e Ferizajt

Published

6 years ago

15 October, 2020

Pritën me orë të tëra për të realizuar rëntgene në Qendrën Kryesore të Mjekësisë Familjare në Ferizaj, por një gjë të tillë nuk mundën ta bëjnë meqë aparaturat ishin jashtë funksionit për shkak të ndërprerjes së energjisë elektrike.

Qytetarë të shumtë që prisnin për të marrë shërbime mjekësore kishte edhe në Spitalin e Ferizajt. Aty u munduan që përmes gjeneratorit t’iu dalin në ndihmë pacientëve, mirëpo ngarkesa e madhe e pamundësoi ndezjen e tij.

Drejtori i Spitalit të Ferizajt Jeton Zeqiri, thotë se shkaku i ndërprerjes së rrymës shumë shërbime nuk janë kryer që nga ora 22:00 e natës së mbrëmshme, kur dhe është ndalur rryma.

“Ne kemi dy gjeneratorë që i kemi bashkërisht me QKMF-në, mirëpo për shkak të rritjes së shërbimeve dhe rritjes së aparaturës këta gjeneratorë e kanë të pamundur ta përballojnë një kapacitet të tillë, kështu që ne jemi duke u munduar që sallat e operacionit, gjinekologjia dhe shërbimet specialistike me emergjencë, ndërsa pjesët e tjera herë pas here kanë ndërprerje të rrymës”, tregoi Zeqiri.

Zeqiri thotë se për fat të mirë nuk kanë pacientë që janë të varur nga aparaturat, pasi kjo situatë do t’iu krijonte shumë telashe.

“Fatmirësisht në institucionin tonë nuk kemi pacientë të varur nga aparatura, pasi një aparaturë e ka maksimumin 2 orë me bateritë e veta për aktivizim, kështu që do të ishte katastrofike po ta kishim një gjendje të tillë”, theksoi Zeqiri.

Gjysma e Ferizajt mbeti pa rrymë nga ora 22:00 e natës së mbrëmshme deri sot pas orës 12:00 të ditës, për shkak të, siç ka njoftuar KEDS-i, energjizimit të kthinave të vendosura brenda nënstacionit Ferizaj III.

Ferizaj

Humb jetën një punëtor në një objekt në ndërtim në Ferizaj

Published

26 mins ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

3 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

3 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.