Ferizaj

Problemet me kanalizim lënë pa ujë të pijshëm një pjesë të Zllatarit

Published

6 years ago

20 October, 2020

administrator

Banorë të lagjes ”Sallahu” në fshatin Zllatar të Ferizajt ka disa muaj që po përballen me problemin e kanalizimit.

Ujërat e zeza kanë vërshuar rrugën kryesore të fshatit duke depërtuar edhe nëpër oborre të shtëpive.

Halim Sallahu thotë se përveç erës kundërmuese, ujërat e zeza i kanë lënë edhe pa ujë të pijshëm.

“Sa herë bie shi na hynë uji i kanalizimit në oborr, në puse nga edhe furnizohemi me ujë, dy herë kanë qenë ekipet me rregullu por prap ka problem, puset nuk jemi duke i përdorur, jemi duke e blerë ujin, me të vërtet është shumë keq duke e pas ujin në shtëpi ne duhet me ble”, tha Sallahu.

Përfaqësuesi i fshatit Zllatar Xhevat Sallahu, thotë se gjithë ky problem është si pasojë e cilësisë së dobët të gypave të kanalizimit.

“Ne kemi hasur shumë vende ku mbledhet zhavor në fund dhe kjo si pasojë e cilësisë jo të mirë të betonit të vendosur në fund, po ashtu kemi hasur edhe në gypa të shtypur pasi kur është bërë projekti është bërë shkel e shko. Problem me kanalizimin e ujërave të zeza nuk ka vetëm kjo pjesë, por edhe disa pjesë të tjera të fshatit, e kam thënë edhe në Kuvend që mirëmbajtja e ujërave të zeza është duke na kushtuar më shumë se vet projekti i ujërave të zeza”, theksoi Xhevat Sallahu.

Në kompaninë regjionale të ujit dhe kanalizimit “Bifurkacioni” në Ferizaj, thanë se kjo kompani ende nuk e ka nën menaxhim këtë fshat dhe për këtë arsye nuk mund të intervenojnë

Për të marrë një përgjigje nga Drejtoria e Shërbimeve Publike dhe ajo Infrastrukturës, ekipi i Televizionit Tema e pati të pamundur përkunder tentimit disa orësh.

Ferizaj

Një burrë theret me kaçavidë nga dy persona në Ferizaj

Published

3 days ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

4 days ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

3 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.