Ferizaj

Familja e veprimtarit Remzi Hoxha e shpall të mbyllur kërkimin e eshtrave të tij

Published

6 years ago

21 October, 2020

Në 25 vjetorin e rrëmbimit dhe vrasjes së biznesmenit ferizajas Remzi Hoxha, djali i tij Ardian Hoxha, në një konferencë për media njoftoi se familja do t’i jap fund kërkimeve për eshtrat e babit të tij. Hoxha tha se këtë po e bëjnë pasi nuk kanë më besim tek insitucionet e drejtësisë dhe tek politika në Shqipëri se do të zbardhin deri në fund të vërtetën edhe pse, sipas tij, e vërteta se kush e ka vrarë babin e tij dihet.

“Kemi ardhur në një pikë që i kemi humbur shpresat, kemi humbur besimin në institucionet e drejtësisë, kemi humbur besimin në klasën politike në Shqipëri, në të gjitha partitë politike pa dallim dhe kemi ardhur në një pikë ku duhet t’i prejmë gjërat sado që është e dhimbshme për ne dhe të vazhdojmë tutje. Është Berisha ai që kishte dhënë urdhër të arrestohet dhe për fat të keq nga torturat që i kanë bërë pa dashje iu ka mbetur në dorë dhe nga paniku janë munduar që ta fshehin dhe ne në tërë këto vite nuk kemi kërkuar hakmarrje, por vetëm t’i kemi eshtrat e tij, të paktën ta kemi një varr”, tha Ardian Hoxha, djali i Remzi Hoxhës.

Hoxha njoftoi se do të bëhet një memorial për nder të prindit të tij që të paktën të kenë ku ta përkujtojnë.

“25 vite pa eshtra, pa varr dhe vuajtje, ne si familje duam që babait tim t’ia bëjmë një varr të hapur, një memorial ku mund të shkojmë dhe ta vizitojmë, nuk është e lehtë aspak, ka edhe familjarë që edhe nuk pajtohen e kanë të vështirë që ta pranojnë këtë, por që duke e bërë zemrën guri ne duhet ta bëjmë këtë pasi kaluan 25 vite dhe nuk e di askush edhe sa vite e dekada do të kalojnë dhe do të mbetemi pa varr”, theksoi Hoxha.

Në këtë konferencë, avokati i angazhuar i familjes Hoxha, Tomë Gashi, shprehu bindje se biznesmeni Hoxha ishte vrarë nga SHIK-u i cili udhëhiqej nga Sali Berisha.

“Vrasja dhe zhdukja e Remzi Hoxhës ka ardhur nga aktiviteti i tij patriotik. Askush nuk e mohon se mëkati i tij i vetëm ishte se Rmeziu e ndjente se luftë do të ketë në Kosovë dhe gjithë pasurinë e tij që e kishte e shtriu në grumbullimin e armatimit për një Kosovë dhe duket se Sali Berisha këtë nuk mundi t’ia falë dhe e inskenoi një ngjarje që ai arrestoi edhe persona të tjerë që ata janë të gjallë, mirëpo Remzi Hoxha është vrarë. Remzi Hoxha padyshim është vrarë nga sektori famkeq i SHIK-ut të Partisë Demokratike në krye me Sali Berishën”, u shpreh Gashi.

Biznesmenin ferizjase Remzi Hoxha ishte rrëmbyer në firmën e tij të duraluminit “Albatros”në Tiranë. Ato ditë u rrëmbyen edhe gazetari kosovar Avdyl Loshaj dhe biznesmeni Ziso Kristopulli. Të mbijetuar nga torturat gjatë hetimeve të vitit 1997, ata rrëfyen se ishin rrëmbyer dhe keqtrajtuar duke i akuzuar si agjentë të huaj, ndërsa për Remzi Hoxhën dëshmuan se ishte torturuar, por nuk dinin se ku kishte përfunduar.

Ferizaj

Arrestohen katër të dyshuar për kanosjen e një personi në Ferizaj

Published

1 day ago

14 July, 2026

Redaksia

Policia Rajonale në Ferizaj ka arrestuar 4 persona në dyshimet për kanosje dhe armëmbajtje pa leje.

Në njoftim bëhet e ditur se më datën 13.07.2026, në stacionin policor në Ferizaj është paraqitur një ankues, M.B, i cili ka deklaruar se ishte kanosur nga disa persona.

Pas ndërmarrjes së veprimeve operative-hetimore nga njësitet reaguese dhe njësia e hetimeve, janë identifikuar dhe lokalizuar personat e dyshuar në një lokal në Ferizaj, ku gjatë kontrollit janë sekuestruar katër armë zjarri dhe sasi municioni.

Të dyshuarit: H.TH. ( 50 vjeç), SH.TH. (27 vjeç). E.B. ( 37 vjeç) dhe E.H. (27 vjeç), me vendim të prokurorit të shtetit janë ndaluar në mbajtje për 48 orë, ndërsa ndaj tyre janë iniciuar raste për veprat penale “Kanosja”, “Mbajtja në pronësi, kontroll ose posedim të paautorizuar të armëve dhe “Asgjësimi apo dëmtimi i pasurisë”.

Ferizaj

Brenda një jave konfiskohen 15 motoçikleta në Ferizaj

Published

2 days ago

13 July, 2026

Redaksia

Policia Rajonale e Ferizajt ka njoftuar se brenda periudhës nga 6 – 12 korrik ka shqiptuar 26 gjoba për shkelje të rregullave të trafikut dhe ka konfiskuar 15 motoçikleta.

Kjo pasi policia ka shtuar kontrollet në qarkullimin dhe drejtuesit e motoçikletave dhe skuterëve.

Shumica e gjobave janë shqiptuar për shkelje të rregullave të komunikacionit, përfshirë drejtimin e motoçikletës pa regjistrim, pa patentë shoferi ose pa helmetë mbrojtëse, si dhe kundërvajtje të tjera.

Gjatë kësaj periudhe janë konfiskuar edhe 15 motoçikleta/skuterë, kryesisht për mungesë të dokumentacionit të rregullt.

Ferizaj

Lëndohen tre policë gjatë arrestimit të sulmuesit 16 vjeç në Ferizaj

Published

5 days ago

10 July, 2026

Redaksia

Policia e Kosovës ka njoftuar se gjatë arrestimit të të miturit me inicialet P.GJ (16 vjeç), i dyshuar për therje të dy personave mëngjesin e sotëm në Ferizaj, janë lënduar tre zyrtarë policor ku njëri prej tyre është goditur me thikë në pjesën e qafës.

Sipas policisë, pas kontrollit ë banesën e të dyshuarit dhe më pas në një adresë në fshatin Greme, policia ka arritur ta lokalizojë atë.

“Me të arritur në vendngjarje, i dyshuari ka refuzuar t’u bindet urdhrave policorë, duke mbajtur një thikë në dorë, ka sulmuar zyrtarët policorë me gurë dhe mjete të forta, si dhe është vërsulur ndaj tyre me thikë.

Gjatë ndërhyrjes, nëna e tij ka penguar zyrtarët policorë në kryerjen e detyrës zyrtare.

Në një moment, i dyshuari ka marrë një shishe me benzinë dhe ia ka hedhur vetes mbi trup, duke vazhduar t’i kërcënojë policët me thikë dhe duke mos lejuar afrimin e tyre.

Gjatë përpjekjeve për vënien e tij nën kontroll, tre zyrtarë policorë kanë pësuar lëndime, ndërsa njëri prej tyre është goditur me thikë në pjesën e qafës.

Pas ndërhyrjes policore, i dyshuari me inicialet P.GJ (16 vjeç) është vënë nën kontroll dhe është arrestuar së bashku me nënën e tij D.GJ (47 vjeçe).

Gjithashtu është sekuestruar edhe thika, e cila dyshohet se është përdorur në sulmin ndaj qytetarëve”, ka njoftuar policia.

Në përditësimin e fundit, thuhet se në sulmin që ndodhi rreth orës 07:53, në rrugën ‘Dëshmorët e Kombit’, në afërsi të Postës Qendrore në Ferizaj, mbetën të plagosur dy qytetarë, të cilët u dërguan për trajtim mjekësor në Spitalin e Ferizajt.

Njëri nga të plagosurit, I.M. 81 vjeç, ishte therur në fytyrë dhe në gjymtyrë, ndërsa i plagosuri tjetër, një zyrtar i degës së Postës së Kosovës në Ferizaj, pas trajtimit mjekësor është liruar për në shtëpi.

Në njoftimin e Prokurorisë në Ferizaj, i dyshuari me vendim të Prokurorit të Shtetit është ndaluar në kohëzgjatje prej 24-orësh, për shkak të dyshimit se i njëjti ka kryer veprat penale “Sulmi ndaj personit zyrtar” dhe “Vrasja në tentativë”.