Ferizaj

Hapet konkursi për festivalin ‘’Kosovarja këndon’’

Published

6 years ago

21 October, 2020

Festivali më i vjetër i qytetit të Ferizajt “Kosovarja këndon” i cili daton që nga viti 1972 do të mbahet edhe këtë vit.

Për pranimin e femrave mbi moshën 16 vjeçare që e kanë pasion këndimin tashmë është hapur aplikimi. Udhëheqësi i Sektorit të Kulturës në këtë qytet Sabri Pajaziti, tha se rrethanat pandemike i kanë shtyrë të bëjnë disa lehtësira për aplikueset.

“Ditëve paraprake kemi hapur audicionin në bashkëpunim me bordin e ansamblit “Kastriotët” ku kanë filluar përgatitjet, është caktuar lokacioni ku do të mbahet audicioni në shkollën e muzikës dhe javën e ardhshme do të përfundoj edhe afati i audicionit. Mundësia e aplikimit është ndarë në dy faza deri më 31 tetor dhe 7 nëntor. Sivjet është bërë lehtësim edhe në fushën e aplikimit, jemi marrë vesh që një pjesë e kandidatëve t’i përcjellin interpretimet e tyre përmes rrjeteve sociale. Deri më tash jemi të vendosur që koncerti të mbahet live por pa publik, ose me një publik ku mund të ruhet distanca”, theksoi Pajaziti.

Pajaziti thotë se situata pandemike ka krijuar disa ndryshime në organizim, por jo edhe në kritere.

“Festivali “Kosovarja këndon” është festival tradicional dhe ne po përpiqemi që ndoshta një ditë të futet edhe në mbrojtje të trashëgimisë shpirtërore të Kosovë pasi në rrethana kur është themeluar ky festival ka pasur një mision shumë fisnik në emancipimin e femrës shqiptare në fushën e muzikës dhe ruajtjen dhe kultivimin e muzikës popullore shqipe. Po të pyetesha unë si artist, festivali ”Kosovarja këndon” nuk do ta kisha ndryshuar kurrë në formën e prezantimit, ndërsa në fushën e organizimit po“, tha Pajaziti.

Festivali “Kosovarja këndon” tradicionalisht mbahet në vigjilje të Festës së Flamurit më 28 nëntor.

Ferizaj

Bëhet i ditur identiteti i viktimave të aksidentit tragjik në Gjermani

Published

5 hours ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

11 hours ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.

Ferizaj

Qytetarëve u vijnë mesazhe mashtruese – Policia apelon për kujdes

Published

2 days ago

05 August, 2026

Redaksia

Drejtoria Rajonale e Policisë në Ferizaj ka njoftuar se ditëve të fundit, disa qytetarëve u kanë ardhur mesazhe (SMS) mashtruese kinse të dërguara në emër të Policisë së Kosovës duke pretenduar se qytetarët kanë gjoba trafiku dhe duke i ftuar ata të klikojnë në lidhje (linke) për të kryer pagesën e tyre.

Sipas Policisë, këto mesazhe janë të rreme dhe nuk janë dërguar nga institucionet e rendit dhe ligjit, pra janë mesazhe të dërguara si tentativë për mashtrim.

Policia paralajmëron qytetarët që nëse pranojnë ndonjë e-mail apo mesazh të dyshimtë, të veprojnë si në vijim:

Mos klikoni në linkun e dyshimtë;

Mos i jepni të dhëna personale apo bankare;

Mos kryeni pagesa përmes lidhjeve të dërguara me SMS;

Raportojeni rastin në stacionin më të afërt policor;

Kontaktoni bankën tuaj nëse keni ndarë të dhëna personale ose bankare;

Fshijeni menjëherë mesazhin e dyshimtë;

Qytetarët mund të raportojnë raste të tilla përmes aplikacionit “Lajmëro Policinë” ose duke telefonuar në numrin 192.

Drejtoria Rajonale e Policisë në Ferizaj apelon për kujdes të shtuar ndaj mashtrimeve online dhe bashkëpunim me policinë për parandalimin e tyre.