Ferizaj

Në Rahovicë varrosen tri viktimat e aksidentit në Gjermani

Published

5 years ago

21 October, 2020

Në varrezat e fshatit Rahovicë të Ferizajt u varrosën trupat e tri viktimave të aksidentit të ndodhur në Gjermani më 16 tetor 2020.

Zaim Krasniqi 35 vjeçar, Bleon Krasniqi 18 vjeçar dhe Flori Krasniqi 12 vjeçar, vdiqën në një aksident trafiku teksa po ktheheshin në Schafhausen të Zvicër, ku po jetonin që shumë vite. Zaimi me të birin e tij 12 vjeçar ndërruan jetë në vendngjarje, ndërsa djali i vëllait të tij, Bleoni, vdiq një ditë pas aksidentit.

Në veturë ndodheshin edhe vajza 11 vjeçare dhe bashkëshortja e Zaim Krasniqit, e cila në momentin tragjik ishte duke e vozitur veturën. Ajo ka marrë plagë të rënda nga aksidenti, mirëpo është jashtë rrezikut për jetë, kurse vajza e tyre ka lënduar këmbët, por fatmirësisht është mirë me shëndet.

Ferizaj

23-vjeçari që vdiq në Lezhë është nga Ferizaj

Published

3 days ago

28 June, 2025

Redaksia

Një 23-vjeçar nga Ferizaj ka vdekur në Lezhë derisa ishte me pushime bashkë me familjen e tij.

Sipas policisë, rreth orës 09:00 të datës 28.06.2025, Drejtoria Vendore e Policisë Lezhë është njoftuar nga Urgjenca e Spitalit Rajonal se ka mbërritur pa shenja jete shtetasi G. S., 23 vjeç, banues në Ferizaj. Kurse sipas deklarimeve të familjarëve, i riu kishte probleme shëndetësore që në fëmijëri.

Nga të dhënat paraprake, dyshohet se vdekja ka ardhur nga shkaqe natyrale.

Ferizaj

Xhemile Murati-Shabani është kandidate e AAK-së për kryetare të Ferizajt

Published

5 days ago

26 June, 2025

Redaksia

Aleanca për Ardhmërinë e Kosovës (AAK) ka zyrtarizuar Xhemile Murati-Shabanin si kandidate për kryetare të Komunës së Ferizajt, në zgjedhjet e ardhshme lokale që do të mbahen më 12 tetor 2025.

Murati-Shabani aktualisht mban pozitën e Drejtoreshës për Kulturë, Rini dhe Sport në qeverisjen lokale, funksion të cilin e ushtron që nga viti 2021, kur AAK u bë pjesë e koalicionit qeverisës në Ferizaj bashkë me Partinë Demokratike të Kosovës (PDK) dhe Nismën Socialdemokrate.

Kandidatura e Murati-Shabanit vjen në kohën kur partitë politike kanë nisur përzgjedhjen e listave përfaqësuese për garën zgjedhore në nivel lokal.

Ferizaj

Agim Aliu konfirmon kandidaturën për kryetar të Ferizajt

Published

5 days ago

26 June, 2025

Redaksia

Kryetari aktual i Ferizajt, Agim Aliu, ka thënë se do të jetë sërish kandidat i PDK-së për kryetar të kësaj komune në zgjedhjet e ardhshme lokale të 12 tetorit.

Njoftimin për kandidaturë, Aliu e bëri përmes një postimi në profilin e tij në facebook.

Aliu, si kandidat i Partisë Demokratike, është zgjedhur kryetar i Ferizajt në dy mandate të njëpasnjëshme, nga viti 2017-2021 dhe 2021-2025.

Më herët, ai ishte zgjedhur në krye të qeverisë lokale për një mandat të shkurtuar edhe në zgjedhjet e jashtëzakonshme të vitit 2012, pas dorëheqjes së Bajrush Xhemailit nga pozita e kryetarit të Ferizajt.