Ferizaj

Opozita kritikon pushtetin për keqmenaxhim të parasë publike

Published

6 years ago

22 October, 2020

Janë bërë gati një vit që kur është rrënuar objekti në të cilin ishte e vendosur Organizata e Pensionistëve në Ferizaj, mirëpo edhe pas kësaj periudhe ndërtimi i objektit për këtë organizatë nuk ka filluar. Marrëveshja e nënshkruar mes Organizatës së Pensionistëve dhe komunës se Ferizajt parashihte që përpos objektit të ri, komuna atyre t’ua paguaj qiranë dhe të gjitha shpenzimet e tjera deri në vitin 2023, gjë e cila po kritikohet nga opozita meqë, sipas tyre, paraja publike po harxhohet pa nevojë.

Balton Dërguti nga Lidhja Demokratike e Kosovës në Ferizaj, po konsideron se me këtë projekt komuna ka krijuar shpenzime të panevojshme, duke keqmenaxhuar paratë e taksapaguesve.

“Komuna e Ferizajt në seancën e fundit ka marrë vendim për ndërtimin e qendrës së pensionistëve projekt ky që kushton 1 milion e 310 mijë euro, mirëpo për vitin 2021 i kanë paraparë vetëm 32 mijë euro, para këto me të cilat mbetet vetëm sa për ta filluar. Duke pasur parasysh që nga viti i kaluar kjo qendër është rrënuar dhe komuna është e obliguar t’ua paguaj qiratë banorëve për çdo muaj dhe kur kihet parasysh që sipas këtij projekti edhe 3-4 vitet e ardhshme nuk mund të realizohet po i bie që kostoja e këtij projekti po del të jetë shumë e lartë pasi vetëm si ndërtim është 1 milion e 310 mijë e lëre më ku janë edhe pagesat e qirasë”, tha Balton Dërguti nga LDK-ja.

Në anën tjetër, drejtori i Urbanizmit në Ferizaj Lulzim Aliu, thotë se krahasuar me vlerën e tokës ku ishte i ndërtuar objekti i pensionistëve, e që tani i takon komunës, shpenzimet e paguara për ta janë minore.

“Një gjë duhet të kemi parasysh, atë tokë se kemi pasur, ajo tokë s’ka qenë e komunës, i kemi marrë nëse nuk gaboj 23 ari në qendër të qytetit që është një vlerë jashtëzakonisht e madhe që do të thotë se ka përfituar komuna, nuk është e rëndësishme me i matë tash sa shpenzime mujore jemi duke bërë për ta, për mu është e parëndësishme vlera që jemi duke e kompensuar banimin dhe aktivitetin e shoqatës karshi vendit që e kemi marrë, pasi me këtë vend që e kemi marrë kemi bërë zgjidhje të jashtëzakonshme për qytetin, një zgjidhje që e kemi pasur synim nga fillimi“, tha Lulzim Aliu, drejtor i Urbanizmit.

Dërguti thotë se ky projekt ia ka rritur koston edhe projektit “Bashkimi i Qytetit”.

“Rrënimi i shtëpisë së pensionistëve është bërë para kohe për shkak se projekti i nënkalimit ka qenë mos me rrënu qendrën e pensionistëve mandej ai u rrënua dhe kësisoj ne po krijojmë një kosto të lartë. Edhe projektit milionësh të nënkalimit që nuk dihet sa është vlera e këtij projekti që pushteti është duke e mbajtur të fshehur këtë shumë dhe kështu paratë e taksapaguesve po shkojnë dëm derisa komuniteti ka shumë nevoja të tjera“, theksoi Dërguti.

“Kur me një projekt nuk përfshihen krejt pjesët e atij projekti është e drejtë ligjore me shpallë tender të ri, me plotësu atë tender, e dyta ka raste kur mundet me u ndryshu një projekt i tërë në të cilin projekt janë disa paramasa për punë të ndryshme të cilat me volum mundesh me i ndryshu gjatë projektit, pastaj me tender të ri kemi shpallur nënkalimin tek semaforat dhe nënkalimi i këmbësorëve tek trafo, pra pjesë që kanë pas me u bë me projektin e parë por që nuk kanë mundur me u mbulu me para janë shpallur tenderë të tjerë dhe këtu nuk ka asgjë në kundërshtim me ligjin”, tha Aliu.

Në vendin ku ndodhej objekti i Organizatës së Pensionistëve në rrugën “Ramadan Rexhepi” tashmë është ndërtuar një rrethrrotullim. Në të ardhmen komuna ka planifikuar t’i rrënojë edhe objektet e tjera publike që ndodhen në atë pjesë si Emërgjencën, Spitalin dhe QKMF-në, siç është thënë, me qëllim të ndërtimit të parkut të qytetit që lidhet me projektin “Bashkimi i Qytetit”.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 day ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar