Ferizaj

Punëtorët e kompanisë ”Pastërtia” kërkojnë rritje të pagave

Published

6 years ago

04 November, 2020

Për pak ditë Ferizaj me rrethinë u mbulua nga mbeturinat. E gjithë kjo për shkak se ata që përkujdesen për pastërtinë bojkotuan punën me qëllim të realizimit të tri kërkesave.

Kryeshefi i kësaj kompanie Dugagjin Hetemi, tregon se si do të veprojnë karshi kërkesave të punëtorëve.

“Në mbledhjen e bordit të drejtorëve është vendosur që çështja e stazhit të punës të filloj të kompensohet nga data 1 janar e vitit që vjen, si dhe çështja e orëve shtesë, përkatësisht orëve gjatë vikendit që punojnë, është vendosur që në bashkëpunim me sektorin e operativës dhe financave të gjendet një zgjidhje e pranueshme për kompensimin e këtyre orëve edhe pse orët shtesë vazhdimisht janë paguar, ndërsa sa i përket rritjes së pagave bordi i drejtorëve ka vendosur që mos të refuzohet çështja e ngritjes së pagave, por kjo pikë të shtyhet pasi jemi në një situatë jo të mirë financiare në kompani. Siç dihet nga fillimi i muajit mars ne jemi ballafaquar me vështirësi të shumta, me përpjekje të shumta kemi arritur që me i pagu punëtorët fizik dhe shoferët në rend të parë”, tha Hetemi.

Hetemi thotë se janë në dijeni për pagat e ulëta që i kanë punëtorët në krahasim me punën që e bëjnë, por thekson se pagat nuk mund të rriten në këtë kohë kur të hyrat janë shumë të vogla.

“Realisht pagat e punëtorëve fizik dhe vozitësve nuk janë aq ekuivalente me punën që bëhet, ne jemi të vetëdijshëm të gjithë për këtë, mirëpo paga mesatare në kompani është diku 364 euro, paga e përgjithshme mesatare, që i bie se është një pagë e nivelit mesatar, jemi të vetëdijshëm edhe për gjendjen e punëtorëve fizik edhe vozitësve edhe të kategorive të tjera që kanë vështirësi, kanë numër të madh të anëtarëve, kanë obligime kreditore, por rrethanat aktuale na kanë kufizuar”, u shpreh Hetemi.

Kompania “Pastërtia” ka të punësuar 250 punëtorë.

Ferizaj

Në Ferizaj raportohen katër bankënota të dyshuara nga 500 €

Published

21 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

21 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.