Arsim

Rritet numri i mësimdhënësve të infektuar me koronavirus në Ferizaj

Published

3 years ago

04 November, 2020

Që nga data 28 tetor parafilloristët e shkollës fillore “Rizah Matoshi” në Nikadin të Ferizajt nuk kanë vijuar mësimet në klasë, pasi një nxënës i klasës së tyre ka rezultuar pozitiv me koronavirus.

Drejtori i kësaj shkolle Ali Luzha, tha se parafilloristët po e vazhdojnë mësimin online.

“Pasi kemi marrë infomacione se prindërit e nxënësve, në fakt dy nxënës, një i klasës së tretë dhe parafillor, prindërit e tyre kanë rezutuar pozitiv atëherë ne i kemi udhëzur prindërit që teste t’iu bëhen edhe fëmijëve dhe atyre u janë bërë dhe më 28.10.2020 na vijnë rezultatet nga Instituti se fëmija ka rezultuar pozitiv dhe tani klasa parafillore vazhdon mësimin online. Testit i janë nështruar edhe mësuesja e klasës dhe arsimtarja lëndore e gjuhës angleze dhe kanë rezultuar negativ”, tha Luzha.

Drejtori i Arsimit në Ferizaj Afrim Llabjani, njofton se ditëve të fundit është rritur numri i mësimdhënësve që kanë rezultuar pozitiv me COVID-19 në komunën e Ferizajt.

“Gjendja në komunën e Ferizajt deri më tani ka qenë stabile, por megjithatë këto dy javët e fundit kemi një fillim të infeksionit apo shpërndarjes së virusit nëpër shkolla, kemi disa mësimdhënës që janë të infektuar dhe kanë kaluar në izolim 14 ditor. Nga testimi i 432 mësimdhënësve ne kemi 21 të infektuar, 11 të shëruar dhe 10 aktiv, ndërsa nga personeli tjetër kemi një drejtor dhe një punëtor ndihmës, kurse sa i përket nxënësve kemi 87 nxënës të testuar, 6 kanë rezultuar pozitiv, mirëpo që janë të shëruar dhe për momentin 1 është aktiv”, theksoi Llabjani.

Llabjani ndër të tjera theksoi se deri tani shkollat nuk kanë qenë burim i infeksionit, por nëse vazhdon të rritet numri i të infektuarve nëpër shkolla do të kalojnë në skenarin tjetër, i cili është mësimi në distancë.

Arsim

Të enjten në Ferizaj ndihmohen prindërit për aplikim për subvencionimin e librave

Published

8 months ago

30 August, 2023

administrator

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Arsim

Në E-Kosova hapet platforma për subvencionimin e librave shkollorë

Published

8 months ago

25 August, 2023

administrator

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.

Arsim

Më shumë se gjysma e nxënësve ferizajas patën rezultat negativ në testin e arritshmërisë vitin e kaluar

Published

1 year ago

29 March, 2023

administrator

Më shumë se gjysma e nxënësve që mbaruan klasën e nëntë më 2022 patën rezultat negativ në testin e arritshmërisë.

Sipas të dhënave nga Drejtoria e Arsimit të Ferizajt, 53.4% e këtyre nxënësve apo 896 nga ta patën rezultat negativ kurse 46.6% apo 780 nxënës patën rezultat pozitiv.

Më mirë në rezultate qëndrojnë maturantët ferizajas të cilët në afatin e parë rezultat pozitiv patën 77.8% e tyre e 22.2% patën rezultat negativ.

Edhe në afatin e gushtit, ku në provimin e maturës hynë 309 maturantë, 186 nga ta patën rezultat pozitiv kurse 123 negativ.