Botë

Vaksina e Pfizer-it kundër COVID-19 e gatshme në fund të nëntorit

Published

5 years ago

09 November, 2020

“Sot është ditë e madhe për njerëzimin dhe shkencën”, deklaroi Albert Bourla, kryetar dhe shefi ekzekutiv i kompanizë Pfizer.

Kjo kompani e farmaceutikëve e bëri sot të ditur se nga analizat e para të vaksinës kandidate për COVID-19, del se ajo është efikase më shumë se 90% në parandalimin e këtij infeksioni. Ky lajm nga kompania amerikane Pfizer dhe partneri i saj gjerman BioNTech SE është mirëpritur si një hap vendimtar në luftën kundër virusit i cili a ka lënduar ekonominë botërore dhe u ka marrë jetën 1.26 milionë njerëzve anembanë globit.

Studimi tregon se njerëzit të cilët i pranuan dy doza si pjesë e testimeve ka shfaqur 90% më pak simptoma të COVID-19, se sa tek personat e pavaksinuar. Kjo është një shkallë shumë më e lartë e mbrojtjes se sa që ishin pritshmëritë e ekspertëve. Kompania Pfizer poashtu bëri të ditur se do të aplikojë për autorizim emergjent të përdorimit tek autoritetet amerikane diku në javën e tretë të nëntorit, kur bëhen dy muaj nga fillimi i mbikqyrjes të sigurisë së kësaj vaksine.

Botë

Izraeli thotë se ka vrarë zyrtarë të lartë të inteligjencës iraniane

Published

1 week ago

02 March, 2026

Redaksia

Forcat Mbrojtëse të Izraelit (IDF) thanë se kanë vrarë zëvendësministrin e inteligjencës së Iranit për çështjet e Izraelit, Sayed Yahya Hamidi.

Jalal Pour Hossein, udhëheqës i divizionit të spiunazhit në Ministrinë e Inteligjencës, u vra gjithashtu, së bashku me “zyrtarë të tjerë të regjimit”, thuhet në njoftim.

Detaje se si, kur ose ku u vranë nuk jepen.

Por, shtohet se selia e Ministrisë së Inteligjencës në Teheran u godit “pak kohë më parë”.

| Radio Evropa e Lirë

Botë

Gjysmëhëna e Kuqe: Më shumë se 550 persona të vrarë në Iran

Published

1 week ago

02 March, 2026

Redaksia

Organizata iraniane Gjysmëhëna e Kuqe njoftoi të hënën se 555 persona janë vrarë në sulmet e përbashkëta të SHBA-së dhe Izraelit kundër Iranit.

Sipas raportit të saj, 131 qytete janë përfshirë nga sulmet që nga dita e parë e tyre më 28 shkurt.

Gjysmëhëna e Kuqe shtoi se operacionet e shpëtimit, ndihmës, transportit dhe shërbimeve mjekësore janë duke vazhduar.

| Radio Evropa e Lirë

Botë

Irani refuzon negociatat me SHBA-në, ndërsa Trump paralajmëron hakmarrje të fuqishme

Published

1 week ago

02 March, 2026

Redaksia

Kryetari i Këshillit Suprem të Sigurisë Kombëtare të Iranit, Ali Larijani, tha se Teherani “nuk do të negociojë” me Uashingtonin.

Ai i bëri komentet disa orë pasi presidenti i Shteteve të Bashkuara, Donald Trump, u zotua se do të vazhdojë t’i ndëshkojë “terroristët” me “forcën e plotë” të ushtrisë amerikane.

Në një postim në rrjetin X, Larijani shkroi:

“Ne nuk do të negociojmë me Shtetet e Bashkuara. Sot, kombi iranian po mbron veten”.

Të dielën, në një video gjashtëminutëshe që postoi në platformën e tij Truth Social, Trump tha se lufta kundër Iranit mund të zgjasë katër javë, megjithëse u duk se e la derën hapur për bisedime të mëtejshme me udhëheqësit mbijetues në Teheran.

“Në 36 orët e fundit, Shtetet e Bashkuara dhe partnerët e tyre po kryejnë Operacionin Tërbimi Epik – një nga ofensivat ushtarake më të mëdha, më komplekse dhe më dërrmuese që bota ka parë ndonjëherë”, tha Trump.

Ai shtoi se operacionet luftarake në Iran “po vazhdojnë me forcë të plotë” dhe “do të vazhdojnë derisa të arrihen të gjitha objektivat tona”.

| Radio Evropa e Lirë