Ferizaj

Punëtorët e angazhuar përmes ”Caritasit” sërish probleme me paga

Published

6 years ago

12 November, 2020

Rreth 200 punëtorë të inkuadruar në shëndetësinë e Ferizajt përmes marrëveshjes së nënshkruar në mes të komunës së Ferizajt dhe ”Caritas Kosovës”, që nga muaji korrik nuk i kanë marrë pagat.

Për këtë gjendje që përsëritet shumë shpesh, punëtorët e angazhuar përmes kësaj marrëveshje asnjëherë nuk pranojnë të flasin para kamerës, për shkak të frikës se mund të largohen nga puna.

Megjithatë, këtyre punëtorëve sot iu dha shpresë menaxheri i kësaj marrëveshje Xhevdet Haxhidema, duke njoftuar se sot ose nesër do të ekzekutohen pagat për muajin shtator.

“Siç e dimë kontrata e re mes këtyre dy institucioneve për ofrimin e shërbimeve shëndetësore në QKMF-në e Ferizajt është nënshkruar më 10 shtator. Nga kjo datë e tutje të gjithë punëtorët që kanë qenë të angazhuar më parë u është vazhduar kontata. Sa i përket shqetësimit që kanë ngritur punëtorët shëndetësor për paga ne jemi në përgatitje të listës për ekzekutimin e një page për këta punëtorë dhe tani që po flasim disa punëtorë janë duke u marrë me këtë punë dhe unë e them me përgjegjësi të plotë se sot ose nesër një pagë do të ekzekutohet, pastaj do ta shohim faturën e radhës që do ta përgatisim shumë shpejtë që të jemi në kohë edhe me një pagë tjetër”, tha Haxhidema.

Haxhidema tha se këta punëtorë nuk do ta marrin pagën e gushtit, pasi nuk kanë pasur marrëveshje për atë muaj.

“Të gjitha pagat në kontratën e kaluar janë përmbyllur në muajin korrik, ndërsa gjatë muajit gusht nuk ka pasur kontratë mes komunës dhe ”Caritas Kosova” dhe rrjedhimisht të gjithë punëtorët që kanë qenë të angazhuar ne i kemi njoftuar paraprakisht se gjatë muajit gusht nuk do të ketë kontratë dhe një pjesë e këtyre punëtorëve janë liruar nga puna, kurse pjesa tjetër që e kemi vlerësuar si staf të domosdoshëm kanë punuar në baza vullnetare”, theksoi Haxhidema.

Përveç këtyre vonesave në paga, mantelbardhët të cilët punojnë në kuadër të Qendrës Kryesore të Mjekësisë Familjare në Ferizaj të punësuar përmes ‘’Caritas Kosovës’’, nuk janë përfshirë as në Pakon Emergjente të Qeverisë së Kosovës.

Ferizaj

Siguria juaj fillon me zgjedhjen e duhur të sigurimit

Published

8 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

8 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.