Ferizaj

Paratë e gjetura afër Stacionit Policor në Ferizaj i kthehen pronarit

Published

6 years ago

13 November, 2020

Janë të rrallë njerëzit që kur gjejnë para në rrugë i kthejnë ato tek pronarët. Mirëpo ka edhe nga ata që tregohen zemërmirë dhe nuk përfitojnë nga rasti.

Kështu u tregua studenti Blerton Sejdiu nga Nerodimja e Ferizajt, i cili muaj më parë afër Stacionit të Policisë në Ferizaj i kishte gjetur në rrugë rreth 300 euro, të cilat i pati dërguar në polici.

Policia e Ferizajt ishte vënë në kërkim të personit të cilit i kishin humbur paratë, ku përmes mediave pronari i parave të humbura e kuptoi lajmin dhe sot në prani të zyrtarëve policor dhe të personit që i kishte gjetur ato, i mori paratë e tij. Të riut që i gjeti paratë dhe i dorëzoi në polici iu nda një mirënjohje nga Policia e Ferizajt për gjestin e mirë.

“Afër Stacionit Policor kam hasur në disa monedha monetare dhe menjëherë kam lajmëruar institucionet përkatëse, por fatmirësisht policia arritën ta gjejnë personin e duhur. Ka qenë kohë me shi, mendova mos i kanë rënë një personi afër meje, por atij jo dhe menjëherë i solla në polici. Bëj apel tek të gjithë që të veprojnë kështu pasi është shembull i mirë”, tha Sejdiu.

E, paratë i kishin humbur Arton Muhaxherit nga fshati Dremjak i Ferizajt. Ai tregon se ishte mjaft i shqetësuar kur i kishin humbur paratë, pasi ato nuk ishin të tijat, por të kompanisë ku punon dhe me to do të kryente një pagesë.

“Më datën 29 shtator afër Stacionit Policor rreth orës 20:00 më kanë rënë të hollat, unë e falënderoj shumë Blertonin dhe Policinë. U shqetësova shumë, kam dalë i kam kërku gjithkah, por më paskan pas rënë tek bankomati dhe fatmirësisht i paska gjetur Blertoni. Lajmin e pashë ne media, paratë kanë qenë të punës dhe me to kam pas me kry një pagesë. Porosia ime është me vepru sikur Blerton Sejdiu, me të vërtet është person i rrallë”, tha Muhaxheri.

Policia thotë se nuk e kishte të lehtë ta gjente pronarin e të hollave, meqë ato janë gjetur pa asnjë dokument.

“Ne nuk kemi arritur ta identifikojmë personin, ka qenë e vështirë pasi kamerat e sigurisë nuk e kanë kapur personin që i kanë humbur paratë dhe pas shterrjes së të gjitha mundësive kemi kërkuar asistim edhe nga mediumet lokale dhe pas plasimit të lajmit në mediume ka ardhur deri tek identifikimi i personit dhe është vërtetuar, argumentuar se të hollat kanë qenë të tijat“, tha zëvendëskomandanti i Stacionit Policor në Ferizaj, Ismet Dervishi.

Gjatë takimit, Blertoni dhe Artoni u njoftuan se kishin afërsi familjare.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

22 mins ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

17 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar