Botë

Në SHBA, 38% më shumë të vdekur gjatë vitit me pandemi

Published

4 years ago

14 November, 2020

Sipas shënimeve të qendrës amerikane për kontroll dhe parandalim të sëmundjeve (CDC) të analizuar dhe publikuar nga New York Times, gjatë vitit 2020 në SHBA kanë vdekur 309 mijë qytetarë më shumë se sa viteve të tjera, që paraqet një rritje prej 38%, si pasojë e pandemisë.

Shkencëtarët kanë përllogaritur numrin e shtuar të vdekjeve nga 15 marsi deri më 24 tetor të këtij viti, për të gjetur efektin real të pandemisë, dhe nga analiza e tyre del se COVID-19 u ka sjellur vdekjen edhe personave që përndryshe nuk do të kishin vdekur nga ndonjë sëmundje tjetër sivjet.

Shteti me shtimin më të madh të mesatares së vdekjeve brenda vitit ishte Nju Jorku, ku vdiqën 84% më shumë njerëz se sa zakonisht, ndërkaq më pak e prekur ishte Alaska, me vdekje të shtuara prej vetëm 2%.

Sipas databasës së universitetit Johns Hopkins, deri tani në SHBA zyrtarisht janë shënuar 244 mijë 357 të vdekur nga virusi SARS CoV-2, ndërkaq numri i amerikanëve të infektuar me COVID-19 e ka tejkaluar shifrën prej 10,74 milionëve.

Botë

Një tërmet prej 6.1 ballësh godet Stambollin

Published

1 week ago

23 April, 2025

Redaksia

Tre tërmete lëkundën Stambollin mesditën e sotme, duke shkaktuar panik në mesin e miliona banorëve dhe vizitorëve të shumtë.

Tërmeti i parë me magnitudë 3.0 shkallë të Rihterit goditi bregdetin e rrethit Silivri në orën 12:13.

I dyti dhe më i fuqishmi, me magnitudë 6.1 ballë ka goditur të njëjtën zonë në orën 12:49, teksa tërmeti i tretë me magnitudë 4.9 ballë ka goditur në orën 12:51 lagjen Buyukcekmece të Stambollit.

Autoritetet turke nuk raportuan për dëme materiale apo në njerëz, porse kanë urdhëruar qytetarët të mos kthehen në banesat e tyre dhe të qëndrojnë në parqe e zona të hapura deri në njoftimin e radhës.

Botë

Rrahje, përplasje dhe tym në Kuvendin e Serbisë

Published

2 months ago

04 March, 2025

Redaksia

Kuvendi i Serbisë ndërpreu punimet e seancës së sotme pas përplasjeve fizike, rrahjeve, hedhjes së gazit lotsjellës dhe bombave me tym nga ana e deputetëve opozitarë, kundërshtarë të presidentit serb, Aleksandar Vuçiq.

Deri te kjo erdhi pasi deputetët e koalicionit qeverisës miratuan rendin e ditës, të cilin opozita e kundërshtoi.

Deputetët opozitarë iu afruan tavolinës së kryetarit, aktivizuan bomba me tym të kuq dhe të zi dhe shpalosën një pankartë ku shkruhej “Serbia po ngrihet për të rrëzuar regjimin”.

Partitë opozitare kishin paralajmëruar se s’do të jenë pjesë e punimeve të Kuvendit, përderisa studentët e qytetarët janë duke protestuar vazhdimisht në kërkim të drejtësisë për vdekjen e 15 personave në nëntor nga rrëzimi i strehës së një stacioni hekurudhor në Novi-Sad.

Botë

Holandezi Rutte merr detyrën e Sekretarit të përgjithshëm të NATO-s

Published

7 months ago

01 October, 2024

Redaksia

Ish-kryeministri i Holandës, Mark Rutte, ka marrë sot detyrën e Sekretarit të ri të përgjithshëm të NATO-s. Me një ceremoni solemne në selinë e aleancës në Bruksel, Rutte ka filluar mandati i ri në të cilin e zëvendëson Jens Stoltenbergun pas mandatit 10 vjeçar të tij në krye të kësaj aleance më të madhe ushtarake në botë.

Në konferencën e parë për media si sekretar i NATO-s, si prioritete kryesore Rutte përmendi forcimin e aleancës në reagimin kundrejt sfidave dhe rreziqeve të përbashkëta, ndihma për Ukrainën dhe përballja me sfidat globale.

Sipas tij, rol kyç për aleancën veri-atlantike ka edhe bashkëpunimi me vendet anëtare të BE-së dhe SHBA-të si në forcimin e brendshëm ashtu edhe për mbështetjen e Ukrainës.

Mark Rutte deri në marrjen e detyrës së re, shërbeu si kryeministër i Holandës në periudhën 2010 -2024.