Ferizaj

Respektimi i masave Anti-Covid nëpër marketet e Ferizajt, lë për të dëshiruar

Published

6 years ago

16 November, 2020

Edhe pse matja e temperaturës së konsumatorëve në hyrje të marketeve është obligative, e veçanërisht aty ku frekuentimi është më i madh, një masë e tillë nuk po del të jetë aq e zbatueshme në Ferizaj.

Persona me termometër në dorë nëpër markete ekipi i Televizionit Tema gjatë ditës nuk pa në shumicën e marketeve të mëdha në qytet, megjithatë në Inspektoratin Komunal të Ferizajt pohojnë ndryshe.

“Dezinfektuesit janë të vendosur në çdo hyrje të lokaleve, matësit e temperaturave janë, kemi vërejtur pak çalim sidomos tek rastet ku ka më shumë frekuentim, por edhe ajo është duke u respektuar në një masë bukur të mirë. Të gjithë e kanë nga një person që e bënë matjen e temperaturës, megjithëse për këtë punën e matjes së temperaturës do të duhej të caktohej një punëtor shëndetësor, por më mirë ta bëj matjen dikush se mos të ketë fare”, theksoi inspektori Enver Sopa.

Sipas inspektorit Sopa, në komunën e Ferizajt janë duke u respektuar të gjitha masat e vendosura nga Qeveria kundër pandemisë Covid-19.

“Gjatë inspektimit, edhe pse ka 2-3 lloje të inspektimit që janë duke u bërë, por inspektimet që janë duke u bërë nga niveli komunal vërejmë se masat janë duke u respektuar me të madhe, ka ndoshta lajthitje në disa pjesë të caktuara, por veprimi është shumë i mirë edhe i Policisë. Unë them se masat janë duke u zbatuar me të madhe”, tha Sopa.

Numri i rasteve aktive me Covid-19 në Ferizaj është 490.

Ferizaj

Një burrë theret me kaçavidë nga dy persona në Ferizaj

Published

3 days ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

4 days ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

3 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.