Ferizaj

Aktakuzë e re ndaj ish-drejtorit Faik Granica, ai e pranon fajësinë.

Published

5 years ago

04 December, 2020

Ende pa u bërë i plotëfuqishëm aktgjykimi lirues ndaj aktakuzës së parë për keqpërdorim të detyrës zyrtare me rastin e PZHK-së, telashet e ish-drejtorit të Urbanizmit në Ferizaj me ligjin po vijnë duke u shtuar . Javën e kaluar Prokuroria Themelore e Ferizajt i ka ngritur atij një aktakuzë të re për veprën penale: “Keqpërdorimi i pozitës apo autoritetit zyrtar”.

Sipas aktakuzës së ngritur më 30 nëntor 2020, Faik Granica, tani akuzohet se në cilësinë e personit zyrtar – drejtorit të Urbanizmit në Komunën e Ferizajt, më 1 shtator 2016 e ka keqpërdorur pozitën e tij zyrtare në mënyrën që subjektit afarist Mozzart- KS L.L.C., i kishte lëshuar pëlqimin për ushtrimin e veprimtarisë së bastores sportive, megjithëse kishte qenë në dijeni se subjekti afarist nuk i plotësonte kushtet për një veprimtari të tillë.

“Më datë 01.09.2016, në Ferizaj, në cilësinë e personit zyrtar, si drejtor në drejtorisë së urbanizmit në Komunën e Ferizajt, duke shfrytëzuar detyrën apo autoritetin e tij zyrtar, me dashje i tejkalon kompetencat e tij, duke i mundësuar përfitim të kundërligjshëm të dobisë pasurore personit tjetër, përkatësisht pronarit të bastores sportive Mozzart KS, Irfan Beroviq, në atë mënyrë që edhe përkundër faktit se ka qenë në dijeni se subjekti afarist – bastorja sportive Mozzart-KS e cila gjendet në rrugën Kadri Zeka në Ferizaj, me numër biznesi 70763370, nuk i plotëson kushtet për të ushtruar veprimtarinë, i njejti e lëshon pëlqimin me numër 04-16-66346 duke rënë kështu në kundërshtim me nenin 66 paragrafi 2.4 të Ligjit për lojërat e fatit 04/L-80, i cili përcakton distancën ndërmjet subjektit të lojërave të fatit dhe objekteve edukativo -arsimore, të institucioneve historike, fetare dhe të pronës komunale, meqë në distancë prej 155 metrash gjendet çerdhja e fëmijëve “Ninulla”, thuhet në aktakuzën e dërguar nga Gjykata Themelore në Ferizaj.

Me këto veprime, Faik Granica, akuzohet se kishte kryer veprën penale: “Keqpërdorimi i pozitës apo autoritetit zyrtar” nga neni 422, paragrafi 1 lidhur me paragrafin 1 të KPRK-së.” shkruan ndër të tjera në aktakuzë.

Vlen të theksohet se në arsyetimin e aktakuzës së ngritur nga prokurorja Sebahate Sinani, thuhet se i pandehuri Faik Grainca në prani të avokatit të tij ka nënshkruar marrëveshje me Prokurorinë e Shtetit për pranimin e fajësisë, me të cilën ai e pranon fajin për kryerjen e kësaj vepre penale.

Sipas kodit të penal të Kosovës, në rast të shpalljes fajtor nga ana e Gjykatës Themelore të Ferizajt për veprën penale nga Neni 422.1 i KPK-së, personi i akuazuar dënohet me burgim nga 6 muaj deri në 3 vjet.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim