12 të vdekur dhe 524 të infektuar nga COVID-19 në 24 orët e fundit

Instituti Kombëtar i Shëndetësisë Publike në Kosovë ka njoftuar të shtunën se gjatë 24 orëve të kaluara janë regjistruar edhe 12 viktima nga COVID19.
Rastet e vdekjes janë të moshave prej 48 deri 84 vjeç.
Sipas raportit ditor, nga testimi i 1.555 mostrave janë regjistruar edhe 524 persona të infektuar me koronavirus, ndërsa janë shëruar 566 pacientë.
Në gjithë vendin aktualisht janë edhe 11.868 raste aktive.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për 46.118 të prekur nga sëmundja COVID-19, prej tyre 1.186 kanë vdekur ndërsa 33.064 janë shëruar.
Nga njoftimi i Institutit Kombëtar të Shëndetësisë Publike bëhet e ditur se në Ferizaj janë konfirmuar edhe 26 raste të reja pozitive me covid 19.
Prej tyre 15 raste janë në qytet, nga dy raste janë në fshatrat Koshare dhe Lloshkobare, kurse nga 1 rast pozitiv u konfirmua në fshatin Bibaj, Dremjak, Dubravë, Gërlicë, Nikadin dhe në Talinoc të Muhaxhirëve.
Në 24 orët e fundit janë shëruar 43 pacientë që çon në 1820 numrin e të shëruarve.
Bazuar në të dhënat e fundit, në Ferizaj janë edhe 309 raste aktive me koronavirus.

Leave a Comment

Your email address will not be published.

This site uses Akismet to reduce spam. Learn how your comment data is processed.

300X220