Ferizaj

Mentor Haziri shpallet artist i vitit 2020

Published

5 years ago

24 December, 2020

Drejtoria e Kulturës, e Rinisë dhe e Sportit në Ferizaj, ka organizuar ceremoninë e ndarjes së çmimeve për artistin dhe vullnetarin e vitit 2020.

Mentor Haziri është shpallur artisti i vitit, ndërsa Alma Topalli është zgjedhur vullentarja e vitit 2020.

“Ky vit ka qenë i jashtëzakonshëm, për mua si artist ka qenë mjaft i suksesshëm pasi kam bërë tri videoklipe dhe njëra nga to fitoi çmimin si kënga më e mirë në Ulqin. Ndërsa ky çmim është më i rëndësishëm pasi unë jetoj në Ferizaj dhe për mua ka shumë vlerë“, tha Haziri.

Drejtoresha e Kulturës, e Rinisë dhe e Sportit në Ferizaj Xhemile Murati-Shabani, tha se komuna e Ferizajt është angazhuar që të sjell projekte në të mirë të të rinjve.

“Jemi munduar që si drejtori dhe komunë t’iu ofrojmë përkrahje të rinjve, po ashtu edhe sa i përket infrastrukturës kanë filluar disa projekte si pallati i kulturës që do të jetë një zgjidhje për zhvillimin e të gjitha aktiviteteve kulturore”, tha Murati-Shabani.

Gjatë shpalljes së artistit dhe vullnetarit të vitit, Drejtoria e Kulturës shpalosi një përmbledhje të aktiviteteve kulturore të realizuara gjatë vitit 2020.

Ferizaj

Arrestohet i dyshuari për shkaktim të zjarrit në një shtëpi në Ferizaj

Published

3 days ago

03 June, 2026

Redaksia

Policia e Kosovës ka njoftuar se ka arrestuar një person të dyshuar si zjarrvënës pasi një shtëpi është përfshirë nga zjarri në Ferizaj.

Sipas raportit 24 orësh të policisë rasti ka ndodhur të martën, në ora 12:00.

Ferizaj / 02.06.2026 – 12:00

” Ankuesi mashkull kosovar ka njoftuar se shtëpia e tij është përfshirë nga zjarri. Sipas dëshmitarëve dyshohet se një person i dyshuar mashkull kosovar e ka shkaktuar zjarrin, i cili është arrestuar dhe me vendim të prokurorit është dërguar në mbajtje.”

Ferizaj

Zjarri në një kompani në Ferizaj dëmtoi edhe tri shtëpi familjare

Published

4 days ago

02 June, 2026

Redaksia

Nga një zjarr që shpërtheu më 31 maj në një kompani private në Ferizaj, përpos dëmeve në objektin afarist janë dëmtuar edhe tri shtëpi familjare të pronarit të kësaj kompanie.

Në raportin e policisë bëhet e ditur se nga zjarri që shpërtheu rreth orës 23:10, vlera e dëmeve në objekt afarist dhe shtëpitë e përfshira është e konsiderueshme, derisa rasti është duke u hetuar.

“ Ferizaj / 31.05.2026 – 23:10.

Më 01.06.2026 viktima mashkull kosovar ka raportuar se zjarri i cili kishte shpërthyer me datën e lartcekur në kompaninë e tij, përveç dëmeve tek lokali, dëme ishin shkaktuar edhe tek tri shtëpi të familjarëve të tij ku vlera e dëmit është e konsiderueshme. Rasti është duke u hetuar nga ekipet relevante policore”, thuhet në raportin 24 orësh të policisë.

Ferizaj

Konfiskohen dy motoçikleta dhe ndëshkohen drejtuesit e tyre në Ferizaj

Published

5 days ago

01 June, 2026

Redaksia

Të dielën, më 31.05.2026 rreth orës 15:15, Policia në Ferizaj ka ndaluar dy drejtues motoçikletash, të cilët po qarkullonin në rrugën “Shaban Viça”, në kundërshtim me rregullat dhe ligjet e komunikacionit rrugor.

Ndaj personit me inicialet R.M. (25 vjeç) është shqiptuar gjobë prej 500 eurosh për mos posedim të kategorisë përkatëse A, 3 pikë negative, si dhe masë mbrojtëse prej tre muajsh heqje e patentë-shoferit. Po ashtu, ai është gjobitur edhe me 200 euro për qarkullim me motoçikletë të paregjistruar dhe pa targa.

Edhe ndaj personit me inicialet A.V. (25 vjeç) janë shqiptuar të njëjtat masa: 500 euro gjobë për mos posedim të kategorisë përkatëse A, 3 pikë negative, tre muaj heqje e patentë-shoferit, si dhe 200 euro gjobë për motoçikletë të paregjistruar dhe pa targa.

Për shkak të mungesës së dokumentacionit të rregullt, policia ka konfiskuar edhe të dy motoçikletat.