Ferizaj

Fshati Bibaj stoliset me flamuj amerikan për nder të inagurimit të presidentit Joe Biden

Published

6 years ago

20 January, 2021

Rruga e fshatit Bibaj sot ishte stolisur me mbi 100 flamuj amerikan dhe postera të presidentit të ri të Shteteve të Bashkuara të Amerikës Joe Biden, me mbishkrimin ”Faleminderit Amerikë”.

Banorët e këtij fshati i vendosën ata në shenjë respekti dhe falënderimi për SHBA-në, me rastin e inagurimit të presidentit Joe Biden.

Përfaqësuesi i fshatit Bibaj Faton Haxhisalihu, tha se ky aktivitet është organizuar për të treguar se populli shqiptar vazhdon të jetë mirënjohës ndaj popullit amerikan.

“Ne si popull gjithmonë jemi krenarë me popullin amerikan dhe gjithmonë do t’u jemi mirënjohës, andaj këta flamuj janë një shenjë simbolizimi për të shprehur mirënjohjen që kemi ndaj tyre”, tha ai.

Famuj ishin vendosur edhe në oborrin e shkollës ”Muharrem Shemsedini” në këtë fshat, ku nxënësit e kësaj shkolle mbanin në duar 46 flamuj që simbolizojnë presidentin e 46 të Amerikës.

“Kjo festë është për nder të inagurimit të presidentit të 46 të Amerikës Joe Biden, ku me ardhjen e tij në krye të SHBA-ve edhe ne si Kosovë presim shumë, miqësia që është të vazhdoj edhe më tej”, tha drejtoresha e shkollës në Bibaj, Andolina Sylejmani.

Ceremonia e organizuar nga banorët e këtij fshati iu pëlqeu edhe përfaqësuesve të KFOR-it amerikan.

“Sigurisht që do të ishte mirë po të isha në Amerikë me familjen time, por pse jo edhe këtu me popullin shqiptar. Organizimi është shumë i mirë, tregon një respekt të veçantë për Amerikën dhe jemi të kënaqur”, tha Casidy Hoëard , rreshter amerikan.

Përfaqësuesi i rrjetit të organizatave joqeveritare ”Avonet”, Kenan Gashi, thotë se zgjedhja e Bidenit në krye të shtetit amerikan është gjë e mirë për Kosovën.

“Populli i Kosovës është i lidhur ngushtë me institucionet e SHBA-ve dhe është i përkushtuar rreth çdo lëvizje që bëhet në Amerikë, kjo tregon që populli shqiptar është falënderues dhe këtë e tregoi edhe komuniteti sot, për fat të mirë dashuria në mes të këtyre dy popujve është e ngushtë”, u shpreh Gashi.

Joe Biden, kishte vizituar Kosovën në gusht të 2016-ës, në atë kohë nënpresident amerikan. Ai së bashku me familjen e tij ishin pjesë e ceremonisë së inaugurimit të rrugës Ferizaj-Gjilan që bartë emrin e djalit të tij të ndjerë Beau Biden, i cili vdiq nga kanceri në tru. Ai kishte shërbyer në Kosovë pas përfundimit të luftës duke punuar në trajnimin e prokurorëve dhe gjykatësve vendor.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

20 hours ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

2 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.

Ferizaj

Në Ferizaj raportohen katër bankënota të dyshuara nga 500 €

Published

4 weeks ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”