Ferizaj

AKR e Ferizajt dyshon se LDK-ja ka manipuluar me votat e saj

Published

6 years ago

24 February, 2021

14 vendvotime në komunën e Ferizajt i janë nënshtruar procesit të rinumërimit për shkak se kandidatët për deputetë kanë marrë më shumë vota sesa subjekti politik.

Kryetari i Komisionit Komunal Zgjedhor në Ferizaj Shaban Rexha, tha se nëse vërehet se diçka është bërë në mënyrë të qëllimshme, atëherë mund të nisin hetimet nga organet e drejtësisë.

“Arsyeja kryesore është që nuk ka pasur përputhje mes votave të subjektit politik dhe kandidatëve. Ka raste kur kandidatët kanë marrë më shumë vota se subjekti politik. Nëse një subjekt politik ka një votë në anën tjetër duhet të ketë 5 vota për kandidatë, prandaj nëse ka më shumë vota për kandidatët atëherë shkon në rinumërim vendvotimi. Ne i kemi dërguar në Qendrën e Numërimit dhe Rezultateve fletëvotimet origjinale, formularët origjinal dhe kutitë e votimit dhe nëse evidentohet shkelje e qëllimshme atëherë janë prokurorët aty për të hapur proceset gjyqësore dhe hetimore”, tha Rexha.

Nisje të hetimeve për procesin e numërimit po kërkon Aleanca Kosova e Re në Ferizaj. Koordinatori i AKR-së në Ferizaj Sadat Ismaili, thotë se LDK-ja ua ka keqpërdorur votat kandidatëve të AKR-së, meqë ky subjekt politik nuk ka pasur sa duhet vëzhgues e komisionerë të vetë.

“Nga takimet që kemi pasur me qytetarë kemi pritur se kemi me pas shumë më shumë vota, po ashtu edhe nga bisedat që kemi bërë me njerëz kemi pritur që do të kemi rezultate më të mira dhe këtu po na bënë me dyshu se është keqpërdorur vota, prandaj publiksht kërkoj nga organet ndjekëse që të merren me këto raste dhe nëse del diçka keqpërdoruesit të dalin para drejtësisë pasi vota është e shenjtë. Behxhet Pacolli ka diku mbi 600 vota, këto i kemi nxjerrë vet nga KQZ-ja dhe në bazë të kësaj ne ku e kemi pasur cakun që mundemi me arritë vota vërtet dyshojmë se janë keqpërdorur votat e deputetëve tanë dhe krejt kjo që ne nuk kemi pasur vëzhgues e komisionerë tanë të mjaftueshëm”, tha Ismaili.

Akuzat e AKR-së i mohojnë në LDK-në e Ferizajt. Këta thonë se edhe vetë janë të pakënaqur me votat që i kanë marrë.

“Është një rezultat që nuk e kemi pritur as ne si parti, por ndoshta se kanë prit as AKR-ja, nuk qëndron ajo se u janë keqpërdorur votat, ne si LDK kemi pas një marrëveshje me AKR-në në Ferizaj dhe kemi pasur diku 10% të vëzhguesve nga AKR-ja, po ashtu ka pasur edhe komisionerë nga AKR-ja. Të gjitha votat ashtu si i ka dhënë qytetari janë numëruar dhe nëse ka pasur diku gabime ato janë duke u rinumëruar. Ata janë të pakënaqur me rezultatet dhe tash duhet me gjetë një arsye ashtu sikur ne që jemi të pakënaqur me rezultatet, por nuk mundemi me thënë që dikush na e ka keqpërdor votën pasi kanë qenë zgjedhje fer”, tha Imri Hashani, shef i shtabit të LDK-së në Ferizaj.

Kryeprokurori i Prokurorisë Themelore në Ferizaj Shkuri Jashari, i kontaktuar përmes telefonit tha se deri më tani nuk kanë nisur ndonjë hetim lidhur me procesin zgjedhor.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

3 mins ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

17 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar