Ferizaj

Dy shkolla në Ferizaj gjobiten për mosmbajtje të higjienës

Published

5 years ago

25 February, 2021

Shkolla fillore “Vezir Jashari” në Ferizaj dhe “Abetarja” në fshatin Softaj, janë dënuar me nga 1 mijë euro nga Inspektorati i komunës së Ferizajt, për shkak se nuk kanë mbajtur higjienën në nivelin e duhur dhe nuk kanë respektuar masat për parandalimin e përhapjes së pandemisë Covid-19.

Enver Sopa, inspektor sanitar në Ferizaj, tha se në shkollat e tjera të kësaj komune kanë shqiptuar vërejtje, të cilat do t’i inspektojnë prapë për të shikuar nëse janë përmirësuar.

“Kemi bërë një inspektim të rregullt nëpër shkolla, kemi dhënë vërejtje dhe janë shqiptuar për dy shkolla edhe gjoba për shkak se nuk u janë përmbajtur kushteve dhe masave për parandalimin e Covid-it, po ashtu janë dhënë vërejtje ku do të bëhet riinspektim aty ku kemi dhënë vërejtje me shiku sa janë zbatu masat. Unë e di që ka probleme në shumë shkolla, por material anti-Covid dhe material higjienik kanë mjaftueshëm, po ashtu shkollat në këtë kohë nuk kanë qenë shumë të ngarkuara me nxënës dhe mundësitë që të mbahet higjiena ka qenë dhe është shumë më lehtë”, tha Sopa.

Sopa tha se pas inspektimit të shkollave, kontrolla do të bëhen nëpër lokale ushqimore të cilat ndodhen pranë shkollave.

“Do të vazhdohet tani me inspektim edhe në objektet ushqimore që janë afër shkollave pasi lidhen me njëra tjetrën, edhe pse ne nuk jemi për me shqiptu gjoba, por nëse nuk respektohen masat ne duhet me kry punën tonë”, theksoi Sopa.

Në Drejtorinë e Arsimit në Ferizaj thonë se këto gjoba dhe vërejtje do të ndikojnë në ngritjen e nivelit të higjienës.

“Ne kemi bërë një punë jashtëzakonisht të madhe në këtë drejtim, kemi intervenuar në të gjitha shkollat që kanë pasur nevojë për intervenim qoftë në nyje sanitare apo në pajisje që u kanë munguar. Ne kemi krijuar kushte dhe mundësi për të pasur një pastërti në nivelin e duhur duke i furnizuar me mjete higjienike dhe dezinfektantë dhe kemi kërkuar që të mbahet pastërtia, ndërsa në shkollat që ka probleme të nyjeve sanitare kemi kërkuar që të bëhet një tolerim edhe pse 95% e shkollave nuk kanë probleme të tilla, përjashto këtu 2-3 shkolla që i kanë të prishura nyjet sanitare apo janë të vjetëruara”, tha Llabjani.

Gjobat e shqiptuara nga Inspektorati Santir, do të paguhen nga drejtorët e shkollave.

Ferizaj

Arrestohen dy persona në Ferizaj për posedim të kokainës

Published

8 hours ago

26 May, 2026

Redaksia

Policia në Ferizaj ka arrestuar dy persona të dyshuar për posedim të kokainës.

Në raportin 24 orësh të policisë bëhet e ditur se gjatë kontrollit të veturës në të cilën ishin të dyshuarit, janë gjetur 5.79 gramë kokainë, kurse më pas, gjatë kontrollit në shtëpinë e njërit prej tyre, janë gjetur dhe konfiskuar edhe 26.09 gramë të tjera të kësaj substance narkotike.

Rasti raportohet të ketë ndodhur të hënën mbrëma, më 25.05.2026, rreth orës 21:30 në rrugën “Besim Rexhepi” në Ferizaj.

Me vendim të prokurorit të dyshuarit janë dërguar në mbajtje.

Ferizaj

Aktakuzë ndaj tre të dyshuarve për mashtrim me kriptovaluta në Ferizaj

Published

4 days ago

22 May, 2026

Redaksia

Prokuroria Themelore në Ferizaj, Departamenti i Përgjithshëm, ka ngritur aktakuzë kundër të pandehurve me inicialet: A.L., R.J. dhe V.N., për shkak të dyshimit në bashkëkryerje kanë kryer veprën penale”Mashtrimi” sipas Kodit Penal të Republikës së Kosovës

Të pandehurit dyshohen se më 17 Prill 2026, në Ferizaj, rruga, “Cen Dugolli” me dashje dhe në bashkëveprim, me anë të paraqitjes së rreme të fakteve dhe duke përdor emra të rreme, i vënë në lajthitje të dëmtuarit E.F., A.F., dhe Rr.K, duke ua marrë 12,000 euro si kundërpagesë për kriptovaluta të llojit USDT të cilat do t’ua transferonin përmes portofolit digjital “wallet”.

Pasi të dëmtuarve ua marrin shumën prej 12 mijë eurove, të pandehurit i fusin paratë në një çantë të gjelbër dhe i vendosin në një dollap brenda lokalit të cilin e kishin marrë me qira. Ata kishin hapur një vrimë në pjesën e pasme të dollapit, nga ku i morën paratë pa u vërejtur dhe u larguan në drejtim të panjohur.

Pas hetimeve, u zbulua se të dyshuarit e njëjtë, duke përdorur të njëjtën skemë, kishin organizuar një transaksion fiktiv në rrugën “Ismail Reka” në Kaçanik. Edhe aty kishin siguruar një lokal me qira për t’u takuar me persona të interesuar, të cilëve u kishin ofruar transferimin e USDT-ve në vlerë prej 50 mijë Euro.

Aktakuza ngarkon gjithashtu dy nga të pandehurit, A.L. dhe R.J., për një rast të ndodhur më 18 Gusht 2024 në rrugën “Agim Prodani” në Ferizaj ku të dëmtuarit G.A. ia kishin marrë me mashtrim 2 mijë euro duke i premtuar transferimin e kriptovalutave në portofolin e tij. Me të marrë paratë nga viktima, dy të pandehurit largohen me vrap në drejtim të panjohur.

Për të gjitha këto veprime, tre të pandehurit akuzohen për veprën penale “Mashtrimi” nga neni 323 paragrafi 1, lidhur me nenin 31 të Kodit Penal të Republikës së Kosovës.

“Prokurori i çështjes, me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur të shpallen fajtor për veprën penale për të cilën akuzohen dhe të dënohen sipas ligjit”, thuhet mes tjerash në njoftimin e Prokurorisë Themelore të Ferizajt.

Ferizaj

Punëtori që ra nga kulmi i një objekti në Babush u dërgua në QKUK

Published

5 days ago

21 May, 2026

Redaksia

Një 27-vjeçar ka pësuar lëndime të rënda trupore pasi ka rënë nga kulmi i një objekti në fshatin Babush, në magjistralen Ferizaj-Prishtinë.

Në raportin 24 orësh të policisë bëhet e ditur se rasti u raportua të mërkurën, 20.05.2026 rreth orës 15:00.

“Është raportuar se viktima )mashkull kosovar) derisa kishte qenë duke punuar në kulmin e një objekti ishte rrëzuar dhe kishte pësuar lëndime trupore. Viktima fillimisht është dërguar në emergjencën e Ferizajt, por për shkak të gjendjes së rëndë shëndetësore është dërguar në QKUK” thuhet në njoftim.

Në vendin e ngjarjes kanë dalë njësitë relevante të policisë dhe inspektorët e punës derisa rasti është cilësuar si “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.