Ferizaj

Vendkalimet hekurudhore në Ferizaj pa sinjalizues e laura

Published

6 years ago

02 March, 2021

Vetëm boria është sinjalizim se po kalon treni. E, për ata që nuk e dëgjojnë pasojat mund të jenë fatale.

Kështu tash e sa kohë po qarkullon treni nëpër qytetin e Ferizajt, pa ndonjë laurë e cila do të sinjalizonte kalimin e tij. Ato janë larguar nga punëkryesi që po merret me punimet përgjatë hekurudhës.

Megjithatë, për të mos i rrezikuar këmbësorët dhe automjetet, taksistët që qëndrojnë afër Stacionit të Policisë në Ferizaj, vullnetarisht po i ndihmojnë qytetarët që të mos pësojnë ndonjë aksident nga treni, duke i paralajmëruar se ai e ka kohën e qarkullimit.

“Nuk ka barriera dhe në shumë raste veturat nuk munden me ditë nëse është duke kalu treni, pasi nuk ka sinjale e barriera dhe normal ka telashe. Shpesh edhe ne taksistët dalim i ndalim veturat, tash për momentin ditën nuk ka qarkullim por natën po”, tha Skender Papazi.

“Është rrezik çdo moment, nuk ka barriera. Madje, në një rast kam dalë unë vet i kam ndalë veturat se ka qenë duke ardhë treni me shpejtësi të madhe dhe shoferët në vetura nuk kanë pas mundësi me pa. Prej që kanë filluar me punime rrezik është”, tha Blerim Kadriu.

Udhëheqësi i Zyrës për Marrëdhënie me Publikun në Hekurudhat e Kosovës-INFRAKOS, Refet Çitaku, i kontaktuar përmes telefonit, tha se nuk e di se kur do të rikthehen sinjalizuesit, meqë aty janë duke u realizuar punime.

“Meqenëse është duke u implementuar projekti sigurisht që aty çdo gjë e vjetër ka me u largu, në qoftë se punëkryesi i ka larguar ato nënkupton që ato i ka larguar pasi do ta bëj zgjerimin e punimeve aty, meqë aty sigurisht kanë me u vendos rrethoja dhe mandej fillon vendosja e pajisjeve të reja. Nuk mund të flas për periudhën, ato mund të vendosen sot ose nesër ose pas një jave, ose mund të jetë një kohë pak më e gjatë varësisht projektit”, tha Çitaku.

Në shkurt të vitit 2018 është nënshkruar marrëveshja për rehabilitimin e Linjës Hekurudhore 10 të Kosovës ndërmjet Qeverisë së Kosovës dhe Bankës Evropiane për Rindërtim dhe Zhvillim, që kap vlerën 195,5 milionë euro, ku përmes modernizimit të hekurudhës nga Hani i Elezit deri në Fushë-Kosovë komplet linja do të jetë e izoluar, ndërsa shpejtësia e trenit do të jetë 120 kilometra në orë.

Ferizaj

Siguria juaj fillon me zgjedhjen e duhur të sigurimit

Published

15 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

15 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.