Ferizaj

LVV e Ferizajt kërkon të ndahen nga 100 euro për të porsalindurit

Published

6 years ago

03 March, 2021

Meqë Kosova është i vetmi vend në rajon i cili nuk aplikon shtesa për fëmijë, Kuvendi Komunal i Ferizajt në shtator të vitit 2020 kur e kishte miratuar buxhetin për vitin 2021, kishte ndarë edhe një kod buxhetor përmes së cilit do t’iu ndaheshin nga 100 euro fëmijëve të porsalindur.

Ishte ky propozim i asamblistëve të Lëvizjes Vetëvendosje, të cilët tani po kërkojnë llogari nga ekzekutivi se për çfarë arsye ka ngecur zbatimi i këtij propozimi, por edhe i disa të tjerëve që ata kishin kërkuar të përfshiheshin në buxhet.

“Në seancën e muajit shtator kur kishim projekt-buxhetin për vitin 2021, ne si grup i kuvendarëve duke pasur parasysh edhe kërkesat e qytetarëve siç është sigurimi i transportit për personat me nevoja të veçanta dhe atyre me sindromën Doën kemi kërkuar që të sigurohet nga një shumë simbolike prej 100 eurosh për fëmijët e sapolindur, kërkesa të cilat do të duhej të zbatoheshin që nga muaji janar, por që ende nuk kanë filluar të zbatohen. Ne do të kërkojmë në seancën e ardhshme nga drejtorët e drejtorive për të shikuar se çfarë ka ndodhur me këto kërkesa”, tha Evetare Azemi nga Lëvizja Vetëvendosje.

Nga ekzekutivi i Ferizajt thonë se shuma prej 100 eurosh për të posalindurit është duke u ndarë nga komuna, por vetëm për ata prindër të cilët bëjnë kërkesë për to, duke mos sqaruar asnjë detaj se si apo ku duhet të bëhet kërkesa për tërheqjen e këtyre mjeteve.

“Çështje të tilla që përfshihen në buxhetin e komunës së Ferizajt nuk i takojnë forcave politike që të bëjnë komente dhe t’i privatizojnë si çështje, këto janë linja buxhetore të miratuara nga Kuvendi i Ferizajt ku përfaqësim kanë të gjitha forcat politike, pra është një linjë buxhetore e miratuar dhe e propozuar dhe e hyrë në fuqi edhe nga ana e qeverisjes sonë lokale që ka të bëj me pagesën për të porsalindurit. Kjo linjë buxhetore është valide dhe funksionon në bazë të kërkesave që parashtrojnë prindërit për realizimin e pagesave“, tha Albion Sherifi, zëdhënës i komunës.

Në Spitalin e Ferizajt brenda një muaji lindin mbi 200 fëmijë.

Ferizaj

Ndahet nga jeta veterani i UÇK-së, Avdi H. Ahmeti

Published

4 days ago

03 November, 2026

Redaksia

Është ndarë nga jeta Veterani i Ushtrisë Çlirimtare të Kosovës, Avdi H. Ahmeti nga Ferizaj.

Njoftimi mortor u bë i ditur nga Organizata e Veteranëve të Luftës së UÇK-së, dega në Ferizaj.

Sipas njoftimit, varrimi i të ndjerit do të bëhet të mërkurën, më 04.11.2026 ora 14:15 në varrezat e lagjes Karametaj, të fshatit Greme të Ferizajt.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

4 weeks ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

4 weeks ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.