Connect with us

Ferizaj

Hapet Këndi i Arkivit të Shqipërisë në bibliotekën “Sadik Tafarshiku” në Ferizaj

Published

5 years ago

on

Në bibliotekën “Sadik Tafarshiku” në Ferizaj, gjatë ditës së sotme është përuruar Këndi i Arkivit, përmes së cilit u mundësohet të gjithë të interesuarve, e sidomos studentëve ferizajas që të shërbehen me dokumente të ndryshme të cilat ruhen në Arkivin e Tiranës.

Drejtoresha e Kulturës Xhemile Murati-Shabani, e cila priti përfaqësuesit e Arkivave të Shqipërisë, tha se me vendosjen e Këndit të Arkivit Shqiptar, studiuesit ferizajas nuk do të kenë më nevojë që të shkojnë në Tiranë për t’u shërbyer me materiale të Arkivit të Shqipërisë.

“Ne jemi falënderues për këtë marrëveshje të përbashkët, ky projekt  do të jetë një lehtësim për studiuesit e Ferizajt, pasi përmes kësaj marrëveshje po u mundësohet që arkivën e shtetit shqiptar ta kemi në qytetin e Ferizajt pa e marrë mundin studiuesit tanë që të udhëtojnë drejt kryeqytetit shqiptar”, tha Murati – Shabani.

Përfaqësues të Drejtorisë së Përgjithshme të Arkivave në Shqipëri, thanë se synojnë që Këndin e Arkivit ta hapin pothuajse në të gjitha vendet ku flitet shqip.

“Ky kënd është një inciativë e Drejtorisë së Përgjithshme të Arkivave për t’u përhapur dhe krijuar në rreth 100 qytete shqiptare, kemi filluar në qytetet në Shqipëri, në Prishtinë, tani në Ferizaj, në Podujevë dje, në Maqedoninë e Veriut nesër, gjithashtu po bëjmë përpjekje për krijimin e Këndit Arkivor edhe në Mal të Zi, por synohet edhe në krahinat Arbëreshe në Itali. Pra, synojmë të krijojmë një kënd të përbashkët studimi për të gjithë shqiptarët, ku nëpërmjet këtij këndi synojmë që studiuesit të kenë mundësi akcesi sa më të lehtë dhe të shpejtë të të gjitha dokumenteve që ndodhen në Drejtorinë  e Përgjithshme të Arkivave”, tha Musaj.

Marrja e dokumenteve në këtë Kënd Arkivor është me pagesë.

Related Topics:
Continue Reading
Click to comment

Leave a Reply

Your email address will not be published. Required fields are marked *

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

on

18 March, 2026

By

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Continue Reading

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

on

17 March, 2026

By

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.  

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë  ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Continue Reading

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

on

13 March, 2026

By

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim

#

Continue Reading

Trending