Ferizaj

Muzeu i Ferizajt me vizitorë, por pa hapësirë

Published

5 years ago

06 April, 2021

Muzeu është vendi ku mund të shihet historia e një vendi. E, historinë e Ferizajt dhe jetën e ferizajasve të parë e tregon muzeu i Ferizajt.

Megjithatë, ky muze që gjendet pranë Galerisë së Arteve ka një hapësirë shumë të vogël.

Përgjegjësi për Trashëgimi dhe Muze në Ferizaj Ilir Bytyçi, thotë se përveç hapësirës së vogël, problem paraqet edhe mungesa e bazamenteve nga xhami që do t’i mbronte eksponatet arkeologjike, etnologjike dhe historike.

”Njëra ndër çështjet e cila mund ta ngritë nivelin e muzeut është mbështetja financiare që është e domosdoshme në rregullimin e bazamenteve të ndryshme që ndihmojnë të ruhet trashëgimia kulturore. Kjo jep mundësinë që qytetarët ta shohin një muze më të kompletuar”, u shpreh ai.

Bytyçi tregoi se ka persona që me vullnetin e tyre ndihmojnë financiarisht muzeun. Ai shton se bashkëpunimi me shkollat e Ferizajt ka bërë që muzeu të ketë vizitorë në vazhdimësi, por se për shkak të pandemisë kanë reduktuar numrin e vizitorëve.

“Vizitorë ka, muzeu është bërë pjesë integrale e shkollave. Kemi filluar edhe ne të ligjërojmë nëpër shkollat e Ferizajt duke ofruar tashëgiminë kulturore edhe në bankat shkollore. Edhe shkollat e kanë për obligim që t’u ofrojnë informacione nxënësve që të zotërohet historia dhe të vetëdijësohen për ruajtjen e vlerave arkeologjike dhe monumentale të Ferizajt’‘, theksoi Bytyçi.

Bytyçi tregon se muzeu çdo ditë pasurohet me eksponate të reja nga qytetarët ferizajas.

Ferizaj

Pesë shoferëve u pezullohen patentat në rajonin e Ferizajt

Published

7 hours ago

24 November, 2025

Redaksia

Njësitë e Komunikacionit Rrugor në Ferizaj kanë ndëshkuar pesë shoferë për kundërvajtje të rënda në trafik, në Shtime dhe në Ferizaj.

Sipas policisë, më datë 22.11.2025, në rrugën “Adem Jashari” në Shtime, janë ndaluar shoferët:

I.R., 31-vjeçar, i cili me veturën VW Golf është kapur duke lëvizur me 90 km/h në zonën me kufizim 40 km/h. Është ndëshkuar me gjobë prej 200 euro, 2 pikë negative dhe 3 muaj pezullim të patentë shoferit.

Y.B., 30-vjeçar, i cili me veturën Audi është kapur duke lëvizur me 93 km/h në zonën me kufizim 40 km/h. Është ndëshkuar me 200 euro, 2 pikë negative dhe 3 muaj pezullim të patentë shoferit.

B.T., 40-vjeçar, i cili me veturën Toyota është kapur duke kryer tejkalim në vijë të plotë dhe është ndëshkuar me 200 euro, 2 pikë negative dhe 3 muaj pezullim të patentë shoferit.

M.G., 30-vjeçar, i cili me veturën VW Caddy është kapur duke përdorur telefonin gjatë ngasjes. Pas verifikimit, u konstatua se kjo ishte përsëritje e kundërvajtjes dhe u ndëshkua me 200 euro, 2 pikë negative dhe 3 muaj pezullim të patentë shoferit.

Ndërsa në rrugën “Brahim Ademi” në Ferizaj, është ndaluar:

H.K., 39-vjeçar, i cili me veturën VW Golf është kapur duke lëvizur me 100 km/h në zonën me kufizim 50 km/h. Është ndëshkuar me 200 euro, 2 pikë negative dhe 3 muaj pezullim të patentë shoferit.

Policia Rajonale e Ferizajt apelon tek të gjithë shoferët që të respektojnë kufizimet e shpejtësisë dhe shenjat e komunikacionit.

Ferizaj

Disa pjesë të Ferizajt të shtunën sërish pa rrymë për 9 orë

Published

3 days ago

21 November, 2025

Redaksia

KEDS ka njoftuar se të shtunën, 22 nëntor 2025, qendra e qytetit të Ferizajt dhe disa rrugë përreth do të mbeten pa rrymë nga ora 9:00 deri në orën 18:00.

Sipas njoftimit të KEDS, shkaku i ndërprerjes së furnizimit me energji elektrike është realizimi i projekteve investive.

Nga TS 35/10kV Ferizaj II do të ndërpritet:

Dalja 10[kV] J12 Banka 1&2 (kodi: 40041039) nga ora 09:00 deri në ora 18:00

Vendet: MBTS Banka,TS Fatmir Rashani,TS Halil Haxhidema,TS TMK Ndërtesa,TS Koncorzium Komuna (përballë Spitalit)

Arsyeja: Projekte Investive, Konvertimi i Daljes 2 20kV!

Nga TS 35/10kV Ferizaj III do të ndërpritet:

Dalja 10[kV] Ylli 2 (kodi: 40042016) nga ora 09:00 deri në ora 18:00

Vendet: Rr. Skënderbeu, rr.Sadik Tafarshiku, rr.Riza Goga, rr.12 Qershori, VIVA FRESH SH.P.K. Xhevdet Rexhepi, rr.Agim Matoshi, rr.Imri Halili

Arsyeja: Projekte Investive, Konvertimi i Daljes 2 20kV!

Ferizaj

Zjarri që përfshiu objektin afarist në Ferizaj ende aktiv

Published

4 days ago

20 November, 2025

Redaksia

Zjarri që përfshiu objektin afarist dhe depon e kompanisë ferizajase “Elita” ende nuk është shuar.

Ekipet e zjarrfikësve të Ferizajt dhe komunave përreth kanë arritur ta lokalizojnë zjarrin dhe po vazhdojnë punën intensive për shuarjen e tij.

Në vendin e ngjarjes, njësitë policore po vazhdojnë angazhimin e tyre për menaxhimin e situatës dhe sigurinë e perimetrit ndërkaq hetimet për shkaqet e zjarrit janë duke u zhvilluar me autorizim të prokurorit të shtetit.

Sipas pronarit të biznesit, dëmet e shkaktuar nga ky zjarr kapin shifrën rreth 15 milionë euro.