Ferizaj

Shoqata bamirëse “Bereqeti” ndihmon familjet në nevojë

Published

5 years ago

12 April, 2021

Nesër me datë 13 prill fillon muaji i shenjtë i Ramazanit. E, për fillimin e muajit të Ramazanit, shoqata bamirëse “Bereqeti” ka shpërndarë ndihma për familjet në nevojë.

Sot paradite u dërguan 60 pako ushqimore dhe higjienike për 60 familje ferizajase në vlerë 50 euro.

Koordinatori i shoqatës bamirëse “Bereqeti”, Naim Rexhepi, tregon se pakot e planifikuara të dorëzohen sot janë nga një donator anonim.

“Ne e dimë se është vetëm një fillim i muajit të shenjtë të Ramazanit. Edhe gjatë muajit të Ramazanit ne prapë do të kthehemi tek ato familje që kanë nevojë, një herë apo dy herë, varet nga nevojat që ata kanë, ne nuk ndihmojmë vetëm me gjëra ushqimore e higjienike, por edhe me barna e gjëra të tjera, prandaj ka nevojë. Nganjëherë kthehemi tek familjet për t’iu ndihmuar atyre që kanë nevojë dhe t’iu dalim në ndihmë”, shtoi ai.

Rexhepi fton donatorët që t’i ndihmojnë familjet nevojtare.

“Ne edhe dje edhe pardje kemi ndarë ndihma për 60 apo 70 familje. Sot do të ndihmohen 60 familje me jetimë. Pasdite do të ndihmohen edhe rreth 30 familje me skamje sociale. Qe tre vjet jemi në këtë shoqatë dhe tani i dimë jo vetëm në qytet, por edhe në fshatra se ku gjenden nevojtarët. Ne ua dërgojmë në shtëpi për shkak se ata nuk kanë mundësi të vijnë këtu”, tha ai.

Vitin e kaluar nga kjo shoqatë u ndihmuan rreth katër mijë familje, ndërsa sivjet synim e kanë që të kalohet kjo shifër.

Ferizaj

Shuhet zjarri që shpërtheu në një mobilieri në Ferizaj

Published

3 days ago

27 November, 2025

Redaksia

Mbrëmjen e së mërkurës një mobilieri është përfshirë nga zjarri.

Rasti u raportua të ketë ndodhur rreth orës 21:35 në fshatin Greme të Ferizajt, thuhet në raportin ditor të policisë.

Në vendin e ngjarjes kanë intervenuar njësitë policore, zjarrfikësit dhe njësitë e KEDS-it.

Zjarrfikësit kanë arritur ta fiknin zjarrin derisa nuk raportohet për të lënduar.

Ferizaj

Arrestohet në person në Ferizaj i dyshuar për dhunë në familje

Published

3 days ago

27 November, 2025

Redaksia

Një person është arrestuar në Ferizaj, nën dyshimin se e ka sulmuar fizikisht motrën e tij.

Sipas raportit 24 orësh të policisë, viktima ka pësuar lëndime trupore dhe ka pranuar tretman mjekësor.

I dyshuari u arrestua të mërkurën dhe me vendim të prokurorit i dyshuari është dërguar në mbajtje.

Lidhur me rastin kanë nisur hetimet për veprën penale “Lëndim i lehtë trupor”.

Ferizaj 26.11.2025 – 12:11 “Është arrestuar i dyshuari mashkull kosovar, nën dyshimin se kishte sulmuar fizikisht motrën e tij. Viktima ka pësuar lëndime trupore dhe ka marrë tretman mjekësor. Me vendim të prokurorit i dyshuari është dërguar në mbajtje.”

Ferizaj

Pesë shoferëve u pezullohen patentat në rajonin e Ferizajt

Published

6 days ago

24 November, 2025

Redaksia

Njësitë e Komunikacionit Rrugor në Ferizaj kanë ndëshkuar pesë shoferë për kundërvajtje të rënda në trafik, në Shtime dhe në Ferizaj.

Sipas policisë, më datë 22.11.2025, në rrugën “Adem Jashari” në Shtime, janë ndaluar shoferët:

I.R., 31-vjeçar, i cili me veturën VW Golf është kapur duke lëvizur me 90 km/h në zonën me kufizim 40 km/h. Është ndëshkuar me gjobë prej 200 euro, 2 pikë negative dhe 3 muaj pezullim të patentë shoferit.

Y.B., 30-vjeçar, i cili me veturën Audi është kapur duke lëvizur me 93 km/h në zonën me kufizim 40 km/h. Është ndëshkuar me 200 euro, 2 pikë negative dhe 3 muaj pezullim të patentë shoferit.

B.T., 40-vjeçar, i cili me veturën Toyota është kapur duke kryer tejkalim në vijë të plotë dhe është ndëshkuar me 200 euro, 2 pikë negative dhe 3 muaj pezullim të patentë shoferit.

M.G., 30-vjeçar, i cili me veturën VW Caddy është kapur duke përdorur telefonin gjatë ngasjes. Pas verifikimit, u konstatua se kjo ishte përsëritje e kundërvajtjes dhe u ndëshkua me 200 euro, 2 pikë negative dhe 3 muaj pezullim të patentë shoferit.

Ndërsa në rrugën “Brahim Ademi” në Ferizaj, është ndaluar:

H.K., 39-vjeçar, i cili me veturën VW Golf është kapur duke lëvizur me 100 km/h në zonën me kufizim 50 km/h. Është ndëshkuar me 200 euro, 2 pikë negative dhe 3 muaj pezullim të patentë shoferit.

Policia Rajonale e Ferizajt apelon tek të gjithë shoferët që të respektojnë kufizimet e shpejtësisë dhe shenjat e komunikacionit.