Ferizaj

Ferizajt do t’i shtohen edhe 5 murale

Published

5 years ago

05 May, 2021

Qytetit të Ferizajt këtë vit do t’i shtohen edhe 5 murale në kuadër të edicionit të gjashtë të Festivalit Ndërkombëtar të Muraleve.

Drejtoresha e “Mural Fest”-it, Lebibe Topalli, tregon për temën të cilën kanë vendosur ta trajtojnë këtë vit përmes realizimit të muraleve.

“Tanimë veçse jemi duke u përgatitur për edicionin e gjashtë “Mural Fest 2021”, me një temë më ndryshe se herët tjera. Tema do të jetë “home” ose shtëpia. Tema si temë është pak më e ndjeshme dhe pak më ndryshe se temat e tjera që i kemi trajtuar. Pak a shumë jemi duke u kufizuar në numrin e artistëve, në përzgjedhjen e tyre, por edhe tema e dikton këtë pjesë. Dëshirojmë të trajtojmë pak edhe historinë tonë. Duke filluar edhe nga ekzodi i popullit tonë. Fokus do të jetë qendra dhe do të realizohen pesë ose gjashtë murale të mëdha”, tha ajo.

Topalli thekson se përgjatë gjithë këtyre viteve Festivali i Muraleve ka pasur probleme financiare dhe se kryesisht është mbështetur nga donatorët ndërkombëtar.

“Financat janë problemi ynë kryesor, fatkeqësisht na kanë përcjellë çdo vit. Muralet janë të kushtueshme, kostot për me e realizu një mural janë të kushtueshme, sidomos mjetet sepse janë specifike. Telashe kemi deri sa t’ia fillojmë me realizimin e muraleve, pasi fillojmë pastaj gjithçka shkon mirë. Por, problemin kryesor e kemi tek financat. Me bindje të plotë e them se “Mural Fest” ekziston falë vullnetit të madh të ekipës. Ndoshta të tjerët e shohin me një sy më ndryshe, sepse me vet faktin që realizojmë shumë punë nga pamja e jashtme duket se kemi shumë buxhet. Do të duhej të ketë buxhet dhe se “Mural Fest” meriton më shumë. Kemi pas mbështetje nga komuna jonë pasi që kjo punë po bëhet në interes të komunitetit tonë. Kemi pas bashkëpunim të mirë me komunën, e sidomos me Drejtorinë e Urbanizmit sepse punimet tona realizohen në vende publike dhe për çdo punim marrim leje zyrtare. Kemi besim të plotë nga komuna prej fillimit e deri tash, por kishim pas dëshirë që mbështetja financiare të ishte më e mirë”, u shpreh Topalli.

Që nga edicioni i parë i këtij festivali në Ferizaj janë realizuar 30 murale të mëdha dhe rreth 100 të vogla.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim