Ferizaj

Shoqata “Feniks” përuron shtëpinë e familjes Blenishti

Published

5 years ago

11 May, 2021

Familja tre anëtarëshe Blenishti nga fshati Zaskok i Ferizaj u bë sot me shtëpi të re. Shtëpia e re kësaj familje iu ndërtua nga shoqata humanitare “Feniks” në bashkëpunim me “Eli Ab”-in.

Kryetari i Shoqatës “Feniks”, Milaim Jashari, tha se kjo është shtëpia e pestë që vëllezërit Sopaj kanë ndërtuar gjatë muajit të Ramazanit.

“Është shtëpia e parë për këtë vit që kemi fillu me lëshu. Në këtë shtëpi ka investuar ”Eli-Ab”, vëllezërit Sopaj. Nuk është shtëpia e parë që po e financon ”Eli-Ab”. Pesë shtëpi në këtë muaj Ramazani e kanë përcaktu me i gëzu këto familje. Ne nuk do të ndalemi, por tash për tash dihet që është një mungesë e madhe edhe në shoqatë, por edhe në firmat e tjera sepse janë keq për shkak të pandemisë që po na brengosë të gjithëve”, tha Jashari.

E, kryefamiljari Sami Blenishti, i cili u bë sot me shtëpi të re tregon për kushtet në të cilat kanë jetuar.

“Falënderoj shumë bacin Milaim të “Feniksit” dhe ”Eli-Ab”-in sepse ne nuk kemi pas shtëpi, e shtëpia ka qenë e krisur. Banjo dhe kanalizim nuk kemi pas, kemi jetu si kemi mundur, e kanë parë të gjithë. I falënderoj shumë të gjithë që na e kanë ndërtu shtëpinë, i kënqur jam për sa të jetë jeta, me familje tash jam rehatu. Kushëriri Ryshë Blenishti me vëllain ma kanë rregulluar këtë muri. Nuk kam pas shtëpi, pa banjo, tek të gjithë kam shku e nuk më kanë ndihmuar përveç “Feniks”. Një vajzë e kam edhe shoqen, me punu nuk kam punu se me pas shëndet kisha punu, nuk e kisha shtri dorën, por e kanë parë që s’kam mundur”, thotë Blenishti.

Familja Blenishti jeton me ndihmë sociale. Shtëpia e cila u dha sot për këtë familje është shtëpia e 271 që e ka ndërtuar shoqata “Feniks” bashkë me donatorë.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim