Ferizaj

Shoqata “Feniks” përuron shtëpinë e familjes Blenishti

Published

3 years ago

11 May, 2021

Familja tre anëtarëshe Blenishti nga fshati Zaskok i Ferizaj u bë sot me shtëpi të re. Shtëpia e re kësaj familje iu ndërtua nga shoqata humanitare “Feniks” në bashkëpunim me “Eli Ab”-in.

Kryetari i Shoqatës “Feniks”, Milaim Jashari, tha se kjo është shtëpia e pestë që vëllezërit Sopaj kanë ndërtuar gjatë muajit të Ramazanit.

“Është shtëpia e parë për këtë vit që kemi fillu me lëshu. Në këtë shtëpi ka investuar ”Eli-Ab”, vëllezërit Sopaj. Nuk është shtëpia e parë që po e financon ”Eli-Ab”. Pesë shtëpi në këtë muaj Ramazani e kanë përcaktu me i gëzu këto familje. Ne nuk do të ndalemi, por tash për tash dihet që është një mungesë e madhe edhe në shoqatë, por edhe në firmat e tjera sepse janë keq për shkak të pandemisë që po na brengosë të gjithëve”, tha Jashari.

E, kryefamiljari Sami Blenishti, i cili u bë sot me shtëpi të re tregon për kushtet në të cilat kanë jetuar.

“Falënderoj shumë bacin Milaim të “Feniksit” dhe ”Eli-Ab”-in sepse ne nuk kemi pas shtëpi, e shtëpia ka qenë e krisur. Banjo dhe kanalizim nuk kemi pas, kemi jetu si kemi mundur, e kanë parë të gjithë. I falënderoj shumë të gjithë që na e kanë ndërtu shtëpinë, i kënqur jam për sa të jetë jeta, me familje tash jam rehatu. Kushëriri Ryshë Blenishti me vëllain ma kanë rregulluar këtë muri. Nuk kam pas shtëpi, pa banjo, tek të gjithë kam shku e nuk më kanë ndihmuar përveç “Feniks”. Një vajzë e kam edhe shoqen, me punu nuk kam punu se me pas shëndet kisha punu, nuk e kisha shtri dorën, por e kanë parë që s’kam mundur”, thotë Blenishti.

Familja Blenishti jeton me ndihmë sociale. Shtëpia e cila u dha sot për këtë familje është shtëpia e 271 që e ka ndërtuar shoqata “Feniks” bashkë me donatorë.

Ferizaj

Policia në Ferizaj konfiskon motoçikleta dhe trotinete elektrike pa dokumente

Published

23 hours ago

02 May, 2024

Redaksia

Policia në Ferizaj, të mërkurën 01.05.2024, ka konfiskuar disa motoçikleta dhe skuterë pa dokumentacion të rregullt.

Në zbatim të planit operativ ” Motoçikleta dhe Trotineti elektrik 2024″, në disa pika kontrolli në qytet dhe rrethinë të Ferizajt, policia ka kontrolluar dhe ka shqiptuar gjoba ndaj disa personave, të cilët po drejtonin motoçikletat dhe skuterët në kundërshtim me rregullat e trafikut.

Ferizaj

Qëndrim Januzi dënohet me 17 vjet burgim për vrasjen Gazmend Hysenit në Ferizaj

Published

3 days ago

30 April, 2024

Redaksia

Gjykata Themelore në Ferizaj ka dënuar me 17 vjet burgim të akuzuarin Qëndrim Januzi, për vrasjen e Gazmend Hysenit, më 28 maj 2022 në Ferizaj.

Për vrasje, Januzi u dënua me 16 vjet burgim, kurse për armëmbajtje pa leje me 1 vit e gjysmë burgim. Gjykata shpalli dënim unik me 17 vjet burgim.

Sipas aktakuzës, më 28 maj 2022, rreth orës 00:53, në Ferizaj, në rrugën “Rexhep Bislimi”, përkatësisht para hyrjes së marketit “Euro Market”, i pandehuri Qëndrim Januzi, me dashje dhe përgatitje paraprake kishte privuar nga jeta tani të ndjerin Gazmend Hyseni dhe me atë rast kishte vënë në rrezik edhe jetën e Maliq Latifit, i cili kishte qenë para hyrjes së marketit si dhe të personave tjerë brenda në market.

Të njëjtit i konfiskohet në mënyrë të përhershme arma e markës “SAUER model 38H”, me një karikator me kapacitet prej 8 fishekëve, me të cilën armë kishte kryer veprën penale.

Ferizaj

Brenda një jave në Ferizaj u shqiptuan 1370 gjoba trafiku

Published

4 days ago

29 April, 2024

Redaksia

Policia Rajonale e Ferizajt në periudhën njԯ javore nga 22 deri më 28 prill 2024, ka shqiptuar 1370 gjoba trafiku derisa ka hequr edhe 10 patentë shoferë për drejtuesit që kanë shkaktuar kundërvajtje më të rënda në komunikacion.

Në njoftimin për media bëhet e ditur se gjatë kësaj periudhe janë raportuar 29 aksidente, ku katër prej tyre ishin aksidente me lëndime, 18 persona të lënduar si dhe 15 aksidente me dëme materiale.