Connect with us

Arsim

Mbahet testi i arritshmërisë në Ferizaj

Published

on

Sot në tërë Kosovën u mbajt testi i arritshmërisë për nxënësit që sapo e kanë përfunduar klasën e nëntë.

Testi i cili filloi në orën 10:00 të mëngjesit në shkollat “Jeronim de Rada” dhe “Kuvendi i Arbërit” në Ferizaj shkoi mirë dhe pa ndonjë problem.

Përfaqësuesi i Drejtorisë së Arsimit Muhamet Murseli, tha se në shkollën “Jeronim de Rada” gjithçka shkoi mirë dhe se nuk u regjistrua ndonjë rast për tentim të kopjimit.

Ka filluar në ora 10:00 dhe janë në proces, të gjithë nxënësit kanë ardhë. Nxënësit e “de Radës” dhe nxënësit e shkollës së Dardanisë. 14 paralele janë të “de Radës” dhe 2 të Dardanisë, por të ndara në grupe. Asnjë klasë nuk e ka mbi 15 numrin e nxënësve. Distanca është në nivel, testi është duke shku shumë në nivel dhe gjithçka ka shku me rregull, testi ka ardhë me kohë“, theksoi ai.

E, Drejtori i Gjimnazit “Kuvendi i Arbërit”, shkollë kjo në të cilën testin e arritshmërisë e mbajtën nëntë shkolla, thotë se edhe këtu procesi i testimit shkoi mirë duke i respektuar masat anti-Covid.

“Procesi i testit të arritshmërisë ka filluar mbarë dhe me kohë, nuk kemi pas asnjë problem. Vëzhguesit, nxënësit dhe materiali kanë ardhur me kohë. Nuk ka pasur ndonjë ekces, në monitorim e kemi pas edhe Policinë e Kosovës të cilët na kanë vizitu dhe i kanë marrë të dhënat që u nevojiten. Gjithsej në këtë qendër të testimit kanë qenë 215 nxënës të nëntë shkollave”, tha Bajram Rexhepi, drejtor i Gjimnazit “Kuvendi i Arbërit”.

Edhe nxënësit të cilët u testuan sot ndanë përvojën e tyre lidhur me testin e arritshmërisë.

“Këtu kemi ardhë me mbajtë testin e arritshmërisë, mirë kemi kalu. Testi nuk ishte i vështirë, por edhe i lehtë jo”, tha  Mesut Ramabaja, nxënës i shkollës “Dituria”.

“Testi kaloi shumë mirë. Nuk ishte edhe shumë i vështirë”, tha Albion Hakiu, nxënës i shkollës “Enver Topalli”.

Rezultatet e testit të arritshmërisë do të shpallen me 7 qershor.

Continue Reading
Click to comment

Leave a Reply

Your email address will not be published. Required fields are marked *

Arsim

Të enjten në Ferizaj ndihmohen prindërit për aplikim për subvencionimin e librave

Published

on

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Continue Reading

Arsim

Në E-Kosova hapet platforma për subvencionimin e librave shkollorë

Published

on

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.

Continue Reading

Arsim

Më shumë se gjysma e nxënësve ferizajas patën rezultat negativ në testin e arritshmërisë vitin e kaluar

Published

on

Më shumë se gjysma e nxënësve që mbaruan klasën e nëntë më 2022 patën rezultat negativ në testin e arritshmërisë.

Sipas të dhënave nga Drejtoria e Arsimit të Ferizajt, 53.4% e këtyre nxënësve apo 896 nga ta patën rezultat negativ kurse 46.6% apo 780 nxënës patën rezultat pozitiv.

Më mirë në rezultate qëndrojnë maturantët ferizajas të cilët në afatin e parë rezultat pozitiv patën 77.8% e tyre e 22.2% patën rezultat negativ.

Edhe në afatin e gushtit, ku në provimin e maturës hynë 309 maturantë, 186 nga ta patën rezultat pozitiv kurse 123 negativ.

Continue Reading

Trending