Klipi i ri i Dua Lipës “Love Again” arrin 2.1 milion shikime për vetëm 7 orë

Në klipin më të ri muzikor të këngës “Love Again” pop-ylli botëror  Dua Lipa ofron një atmosferë nga perëndimi i egër, me një kthesë moderne gjersa e kalëron një kal mekanik, vallëzon në shesh me një ekip elegant dhe e mban një kapelë kaubojësh,  sikur të ishte në profesionin e saj. Klipi i cili u lansua sot në ora 14:00, gjithashtu përmban disa elemente surreale, ku kaubojtë hipin në kafshë të padukshme dhe përpiqen ta zotërojnë një vezë gjigante që rri pezull në ajër.

Dua dhe ekipi i saj xhiruan sekuencat e “Love Again“ (Përsëri në dashuri)  gjersa i bënin provat për performancën e saj në mbrëmjen e ndarjes së çmimeve BRIT Awards. “E ushtruam koreografinë brenda 45 minutash, vazhduam të shtonim veshjet në mes të xhirimeve, por e bëmë një boom” kishte shkruar këngëtarja me prejardhje nga Kosova në Instagramin e saj.

“Love Again” vjen nga albumi i Future Nostalgia, i cili u publikua në mars të vitit 2020, me ç’rast u lansuan shumë hite botërore si  “Levitating”, “Don’t Start Now” dhe “Physical”.