Ferizaj

PDK zyrtarizon Agim Aliun si kandidat për Ferizaj, Hoxhaj mirret me Vetëvendosjen

Published

5 years ago

04 June, 2021

Partia Demokratike e Kosovës ka zyrtarizuar Agim Aliun si kandidat për kryetar të Ferizajt, në tubimin e mbajtur para pallatit të sporteve “Bill Clinton”, ku mori pjesë edhe Enver Hoxhaj, ushtues detyre i kryetarit të këtij subjekti politik.

Gjatë ceremonisë së zyrtarizimit, Aliu tha se qeverisja e tij edhe pse më e reja në moshë sa i përket drejtorëve, ka qenë e përkushtuar për të gjitha moshat dhe se sipas tij ka tejkaluar edhe pritjet e vet qytetarëve.

“Ne kur tash po flasim, e që jemi në përmbyllje të këtij mandati qeverisës, kemi tejkaluar gjithëçka që kishim në kuadër të platformës, gjithëçka edhe nga pritjet e gjithë qytetarëve që kishin ndërtuar dhe tashmë jemi në kapërcim të këtyre pritjeve… Dhe ne do të vazhdojmë më tutje për të preznatuar projektet për mandatin e ardhshëm qeverisës sepse nuk është e mundur të përmbyllet një kaptinë kaptinë kaq e thellë e transformimit të Ferizajt në një mandat të shkurtër 4 vjeçar. Vizionet tona janë përtej një mandati, ne kemi menduar deri në vitin 2030 e 2035 me projektet dhe vizionin tonë se si ta transformojmë Ferizajn” u shpreh Agim Aliu, kandidat për kryetar të Ferizajt

Në anën tjetër, i pari i PDK-së gjatë këtij zyrtarizimi gjeti kohë që të mirret edhe me Lëvizjen Vetëvendosje.

“Sikurse që thoshte Kurti më herët se ne nuk shkojmë në negociata me Serbinë në Bruksel pa kërkuar falje Serbia për gjenocidin në Kosovë. Apo se ne nuk do të shkojmë në negociata me Serbinë për pa u gjetur i pagjeturi i fundit. E zotri Kurti ka vendosur që të shkoj në Bruksel pa u plotësu këto kërkesa ndërsa para disa vitesh akuzonte shokët tanë për përpjekjet e tyre për marrëveshje të normalizimit me Serbinë dhe anëtarësim në OKB. Natyrisht që çdo qytetar ka pritë që një kryeministër i tillëmund të ketë sjellje të despotizmit dhe të jetë despotik por ai po kultivon nepotizmin dhe po bëhet qesharak me përpjekjet për arsyetim. A e dini që fjala nepotizëm rrjedh prje fjalës latine nip? E çka bën daja për nipin? Daja, nipin e shtin në punë. Bislimi dhe Albini, një ditë kishin majtë një fjalim në një ministri të caktuar dhe njëra prej formulimeve ishte: Ne do ta luftojmë me çdo kusht nepotizmin. Dhe komplet stafi që kishin me veti thonin: Bravo dajë, të lumtë.” – tha në tubim Enver Hoxhaj, UD i kryetarit të Partisë Demokratike të Kosovës.

Në ceremoninë e PDK-së në Ferizaj, kësaj radhe u vërejt mungesa e Nehat Mustafës, Gëzim Haxhimusës, Alben Eshrefit, Mustafë Graincës, Lulzim Graincës, Rafiz Sejdiut e Bashkim Hysenit, veprimtarë të kahmotshëm e të rëndësishëm të këtij subjekti politik.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

7 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar