Ferizaj

U mbajt dëgjimi i parë publik për vitin 2021

Published

5 years ago

17 June, 2021

Sot në sallën e Kuvendit Komunal u mbajt dëgjimi i parë publik i Komunës së Ferizajt për vitin 2021, ku qytetarë të Ferizajt dhe kryetarë fshatrash parashtruan pyetje dhe kërkesa të drejtuara ekzekutivit lokal.

Fehmi Ademi, një qytetar i ferizajt pjesëmarrës në takim u ankua se pensionistët kanë mbetur pa objektin e tyre si pikëtakim i njerëzve në moshë: “Duhet të ndërtohet sa më parë shtëpia e pensionerëve, ku e dimë se shtëpia e vjetër është rrënuar kohë më parë dhe ata janë në kushte të vështira për ta kaluar kohën”.

Sadik Qerimi, kryetar i fshatit Koshare kërkoi që në këte fshat të ndërtohet një qendër e mjekësisë familjare : “Për fshatin tim, një shtëpi të shëndetit. Jemi fshat me 500 shtëpi kështu që kemi nevojë në të ardhmen bile me u ndërtu ajo shtëpi”.

Besim Sedolli, kryetar i fshatit Papaz kërkoi që gjatë realizimitë të projekteve kapitale ketë mbikqyrje nga shteti: “Rruga që lidh fshatin Softaj dhe Papaz a është në projekt? Rrugicat që po shtrohen në fshatin Papaz, mirë që po shtrohen por a i kontrollon ndokush sepse ka rrugicë që ende pa u përdor mirë është dëmtuar. Edhe për drejtorin e Shërbimeve Publike, disa kërkesa që po ia bëj qe nja gjashtë muaj nuk ka kthy përgjigjie, kanalizmi në lagjen e preshevalive është mbyllë mu në mes të fshatit, kërkesën e kam ba, përgjgijie s’është kthy, puna s’është kry”.

Bekim Shala, banor i zonës urbane IV të Ferizajt kërkoi që afër Varrezave të Dëshmorëve të bëhet një parking: “Si zonë e katërt, rruga Brahim Ademi, kemi shumë probleme, rrugica nuk ka qaq shumë që me u asfaltu plus ka mundësi lidhje për shkarkim me rrugën kryesore. Kërkesa tjetër është a ka mundësi tek varrezat e dëshmorëve me u bë një parking për vetura në rast vizite tek varrezat”.

Për këto kërkesa por edhe tjerat që u ngritën aty si fushat sportive, trotuaret, rrugët, sinjalistikat e rrugëve, deponitë ilegale, ekzekutivi lokal u përgjigj për disa, për disa tjera nuk pati përgjigjie. Drejtori i Infrastrukturës në Ferizaj, Arbër Bytyqi, u mundua të përmbledhë përgjigjet e veta në pyetjet dhe kërkesat e qytetarëve: “Rruga Papaz-Softaj, mund të them që është e tenderuar në kuadër të projektit Rohovicë-Talinoc i Muhaxherëve por edhe segmenti Papaz-Mirash i tenderuar në kuadër të këtij projekti… Zona IV, disa rrugica aty kanë përfundruar, por besoj që edhe rrugica prapa varrezave të dëshmorëve shprejt së bashku me kompaninë do e asfaltojmë. Një ose dy rrugica do të mbasin pa u asfaltuar por do të gjejmë formë edhe për asfaltimin e tyre”.

Ngjashëm, komenet ën këresa kishte edhe Arben Halili, Drejtor i Shërbimeve Publike në Ferizaj : “Jo të gjitha kërkesat pranohen ose refuzohen. Besimi e përmendi, ne zakonisht nuk i refuzojmë kërkesat për kanalizim e ndriçim publik por i lejmë në proces që kur të kemi mundësi me i përfundu.”

Ndërsa sa i përket shtëpisë së pensionistëve, drejtoresha Abetare Kurti-Maliqi u përgjigj: ” Për shtëpinë e pensionerëve jemi në procedura të fillimit të tenderimit por për shkak se organizata “Qatar Charity” ka shprehë dëshirë dhe vullnet për financimin e projektit, ne nuk kemi shku me hapje të tenderit për ndërtimin eshtëpisë së pensionerëve, prandaj po presim për përgjigjien e tyre. Për fshatin Koshare për ndërtimin e AMF-së, kemi bërë hulumtime për ndërtimin e një QMF-je në Lloshkobare që do të ofronte qasje për fshatrat në një afat më të gjatë kohor sesa një AMF me një mjek, nëse ndërtohet QMf do të rriten edhe shërbimet për qytetarët në atë zonë. Nëse kjo nuk do të arrihet, do ta diskutojmë pjesën e ndërtimit të AMf-së në fshat”.

Në këtë dëgjim publik u tha se buxheti i Komunës së Ferizajt për vitin 2022 pritet të jetë afër 34 milionë euro.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

3 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

6 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar