Ferizaj

Drejtori i kundërkandidon kryetarit për kreun e Ferizajt

Published

5 years ago

01 July, 2021

Aleanca për Ardhmërinë e Kosovës, sot zgjodhi që të kandidojë Arben Halilin, për kryetar të Ferizajt.
Halili tash për tash është Drejtor për Shërbime Publike dhe Emergjencë në pushtetin aktual lokal në Ferizaj, si pjesë e Koalicionit në Qeverisjen lokale në mes të PDK-së & AAK-së.
Ishte, vet lideri i AAK-së, Ramush Haradinaj ai i cili e zyrtarizoi kandidimin e Halilit për kreun e Komunës së Ferizajt.
Në publikimin e tij në Facebook, Haradinaj kandidaturën e Halilit e quajti si “oferta më e mirë kadrovike dhe me programin më të mirë qeverisës”.
Interesantja e krejt këtij kandidimi ishte se kryetari i degës së AAK-së në Ferizajt, Xhavit Zariqi në seancën fundit e Kuvendit Komunal më 29 qershor, e parashikoi mandatin e dytë të kryetarit aktual Agim Aliu.
Xhavit Zariqi, Kryetar i AAK-së në Ferizaj:
“Projektet madhore të parapara janë me të vërtetë gjithëpërfshirëse që mendoj se janë në interes të qytetarëve dhe ne duhet t’i gëzohemi realizimit, të cilat kemi pritë me vite të tëra për t’u realizuar. Besoj që do të realizohen shpejtë, sigurisht edhe në mandatin e ardhshëm të ri të zotrit Aliu do të kemi edhe projekte të tjera nga investitorë tjerë si Qeveria dhe donatorëve tjerë”.
Arben Halili ka të përfunduar studimet master në shkencën e biologjisë.

Ferizaj

Ferizajasi dorëzon në polici portofolin e gjetur me dokumente dhe 160 €

Published

5 days ago

19 June, 2026

Redaksia

Një qytetar nga Ferizaj ka gjetur një portofol me dokumente personale dhe 160 € të cilat i ka dorëzuar në polici. Portofoli ishte gjetur të enjten (18.06.2026), rreth orës 18:00.

Më pas në stacion është paraqitur edhe pronari i portofolit, të cilit i janë kthyer dokumentet dhe paratë.

“Më 18.06.2026, rreth orës 18:00, qytetari F.Abazi (34 vjeç), nga Ferizaji, ka treguar një shembull të lartë të ndershmërisë dhe përgjegjësisë qytetare, duke gjetur një portofol me dokumente personale dhe 160 euro në rrugën “Gjergj Fishta” në Ferizaj.

Menjëherë pas gjetjes, ai e ka dorëzuar portofolin në stacionin policor në Ferizaj.

Më pas, në stacionin policor është paraqitur qytetari E.A. (24 vjeç) nga Shtimja, i cili kishte humbur portofolin. Pas verifikimeve të kryera nga zyrtarët policorë, pronarit të ligjshëm i janë kthyer portofoli, dokumentet personale dhe shuma prej 160 eurosh”, ka njoftuar Policia e Kosovës në Facebook.

Ferizaj

Sekuestrohen 60 kg marihuanë dhe arrestohen katër të dyshuar

Published

5 days ago

18 June, 2026

Redaksia

Policia e Kosovës ka arrestuar 4 persona pasi zbuloi dhe sekuestroi rreth 60 kilogramë substancë narkotike të dyshuar të llojit marihuanë.

Kjo sasi e narkotikëve u sekuestrua pas një aksioni në dy lokacione në Prishtinë dhe në fshatin Babush të Ferizajt.

Aksioni i policisë u realizua në bashkëpunim me Prokurorinë Themelore Prishtinë dhe Agjencinë e Kosovës për Inteligjencë (AKI), pas zhvillimit të hetimeve disa mujore dhe zbatimit të masave të veçanta hetimore.

Të arrestuarve, një (1) shtetas i Republikës së Kosovës, dy (2) shtetas të Republikës së Serbisë dhe një (1) shtetas i Republikës së Shqipërisë, u është caktuar masa e ndalimit për 48 orë, për shkak se të njëjtit dyshohen për kryerjen e veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge.”

Gjatë këtij aksioni janë sekuestruar edhe dy (2) vetura, dhe një (1) kamion.

Ferizaj

“Ecim me policinë tonë” – Aktivitet në shënim të Ditës së Çlirimit të Ferizajt

Published

2 weeks ago

11 June, 2026

Redaksia

Në shënim të Ditës së Çlirimit, Stacioni policor në Ferizaj, organizon më 12 Qershor ecjen e përbashkët me Forcën e Sigurisë, institucionet lokale, shoqërinë civile, klubet sportive dhe organizatat e ndryshme.

Në njoftim bëhet e ditur se aktiviteti do të nisë nga Palestra e Sporteve “Bill Clinton”, fiks nga ora 08:30 dhe do të përmbyllet në Parkun e Lirisë, ku do të organizohet një koktej rasti, si dhe do të zhvillohen rrëfime historike nga pjesëmarrësit dhe diskutime të hapura mbi rëndësinë e kësaj dite dhe vlerat e saj.

Bashkohuni me ne në Ecjen për Lirinë – në rrugëtimin e përbashkët në nderim të Ditës së Çlirimit”, thuhet mes tjerash në ftesën e Stacionit policor të Ferizajt.