Deputeti Haxhi Avdyli godet Dërgutin: Maskat po bien, nuk rikthehet hajnia

Pas paraqitjes së plasaritjeve të para brenda Listës “Guxo” në Ferizaj, u prononcua edhe deputeti Haxhi Avdyli,  i cili Balton Dërgutin e quajti një “koordinator të vetëshpallur”. Në postimin e tij të gjatë në Facebook, deputeti Avdyli tha se “s’mund ta rikthejmë hajninë e keqqeverisjen pse dikush s’plotëson kushtet që të jetë zëvendësministër”, si duket duke aluduar në mospërmbushjen e ambicies së këshilltarit komunal të Ferizajt, Balton Dërguti që të bëhet zv.ministër në qeverinë Kurti.

Në vazhdim po e publikojmë postimin e deputetit Haxhi Avdyli:

“Kurrizi i organizmit rreth Vjosa Osmanit në vitin 2020/ 21 ishte revolta për gjendjen e krijuar në Kosovë si pasojë e keqqeverisjes, korrupsionit e bashkëpunimit të bandave nëpër parti politike.

Vjosa Osmani sublimonte kundërshtimin e politikave të LDK-së së Isa Mustafës e cila për disa poste qeveritare shkelnin çdo premtim për mosbashkëpunim me vrasësit e aktivistëve, krimin e abuzuesit e pushtetit të PAN-it.

Boshti i organizimit rreth Vjosës ishte mbajtja fjalës, lufta kundër krimit, jo bashkëpunim me PAN-in e bashkëqeverisje me VV për të çkapur shtetin. Për këtë me 14 janar u nënshkrua marrëveshja Kurti Osmani për bashkëpunim e bashkëqeverisje në zgjedhje të përgjithshme e lokale. Dhe shumë aktivistë të LDK e jo vetëm u bashkuan rreth këtij binomi për ndryshimin. Ne falënderojmë secilin qytetarë për kontributin në 1 muaj fushatë zgjedhore. Por duhet kuptuar që bashkimi ynë ishte për kauza e idealin e ndryshimit të gjendjes e jo vazhdim metodave PANiste të Qeverisjes.

Ata të cilët që pas 1 muaj fushate zgjedhore smundën ti marrin postet e zëvendës ministrit, smund të flasin as të thirren në emër të kapitalit të politik Vjosa Osmanit e Listës Guxo. Sepse as sështë e drejtë, as morale e as që i ka autorizuar e as si ka zgjedhur askush as koordinator as kryetar për të përfaqësuar këtë kapital politik që ta dërgojnë në adresa të panjohura.

Pasi të mbahen kuvendet në degë e kuvend qendror ata edhe mund të flasin për subjektin tonë. Tash mund të flasin vetëm si persona dhe ish perkrahës të kauzës së ndryshimit e asesi të tentohet të tjetersohet.Ata edhe kanë drejtë edhe të kenë ambicje, edhe të organizohen edhe si iniciativë të pavarura edhe mund ti bashkohen PDK apo AAK por jo me logon GUXO e duke keqpërdor foton e Presidentes Osmani.

Marrëveshja me PDK për të dëmtuar frymen e ndryshimit LVV Guxo që po qarkullon në opinion në Ferizaj smund ta bëjnë të vetëshpallurit kryetar apo koordinator e asesi smund ta bëjnë duke u thirrur në emër të frymës ndryshimit të 14 shkurtit që ka sublimuar nga parimet politike të Vjosa Osmaniit. Maska shumë shpejtë do bien se kush po don ndryshim të gjendjes se keqe e kush ringjallje të keqeverisjes së PAN -it. Ish pushtetin smund ta ringjallin as manipullimet as mashtrimet e disa anonimëve ,sepse qytetari ka vulosur me votë plebishitare ndryshimin. E do rivulos edhe në vjeshtë.

Kosova pret nga ne punë të madhe ta sanojmë gropën e madhe që ka lënë PAN dhe bashkëpunëtorët e tyre në LDK. E smund ta rikthejmë hajninë e keqeverisjen pse dikush splotëson kushtet për zëvendës ministër. Qytetarët kanë halle tjera, e jo a u bë filani zëvendës e fisteku këshilltar”.