Ferizaj

Ferizaj shkel ligjin për zyrtarët publik, për 33 kontrata

Published

5 years ago

28 July, 2021

Zyra Kombëtare e Auditimit, ditë më parë ka publikuar raportin e auditimit për Komunën e Ferizajt, për 2020.

Ndër të tjera ky auditim ka gjetur se në Komunën e Ferizajt, janë angazhuar 33 punonjës për shërbime të veçanta pa zhvilluar procedurë të prokurimit publik me individë siç kërkon ligji për zyrtarët publik.

Monitoruesja e INPO-s, Arbenita Topalli thotë se Komuna e Ferizajt sipas këtij raporti ka shkelur ligjin për zgjedhjen e zyrtarëve publik.

“Nuk e ka zhvilluar procedurën që sipas këtij ligji duhet të zhvillohet. Një procedurë e tillë siç është përdorur në këtë rast nga Komuna e Ferizajt, për shërbime të veçanta, mund të themi se është e pabazë për arsyen se është deshtë të bëhet përmes procedurave të prokurimit për pozita të cilat nuk realizohen brenda Komunës, stafit apo nëpunësve civil që i ka aktualisht Komuna. E që realisht këto pozita veçse ekzistojnë në Komunën e Ferizajt dhe janë pozita që zhvillohen procedurat e rekrutimit në mënyrë të rregullt sipas ligjit për shërbyes civil”.

Kuvendari i LDK-së në Kuvendin Komunal, Gëzim Kokollari thotë se pushteti lokal ka qenë i shurdhër vazhdimisht sa i përket kësaj çështje.

“Fatkeqësisht ky është fenomen që po përsëritet dhe pavarësisht zërit të opozitës ky fenomen ka shkuar duke u rritur. Asnjë Kryetar Komune nuk ka të drejtë ta dëmtojë buxhetin komunal përmes këtyre formave të rekrutimit që sipas ligjit janë anti-ligjore. Ky ligj ia lejon këtë mundësi institucioneve vetëm në çështje specifike kur ka mungesë eksperti dhe duhet të plotësohet. Sipas informatave tona, rreth 300 të punësuar me kontrata mbi vepër në Komunën e Ferizajt që shumica prej tyre janë me shkolla të mesme dhe për fat të keq janë militantë të PDK-së dhe partnerëve të tyre”.

Topalli tutje shton se personat përgjegjës për këtë shkelje të gjetur nga auditori duhet të mbajnë përgjegjësi.

Arbenita Topalli – Monitoruese nga INPO:

“Realisht Komuna e Ferizajt përveç praktikës që është duke e zhvilluar, kemi rastin edhe për një kontratë për shërbime profesionale përmes procedurës së prokurimit, edhe ajo ka qenë shkelje ligjore dhe procedurë e gabuar por edhe në këtë rastin tjetër, sigurisht që duhet të shkojnë në përgjegjësi zyrtarët përgjegjës dhe duhet të japin llogari për zhvillimin e këtyre aktiviteteve, në këtë rast për zgjedhjen e këtyre 33 punonjësve, për shkak se jo vetëm që nuk është transparente dhe se mund të zgjedhjen persona jo adekuat në ato pozita po ashtu mund të vijmë edhe tek dëmtimi i buxhetit të Ferizajt në këtë rast”.

TV Tema për këtë çështje tentoi të flasë edhe me ekzekutivin lokal, por të njëjtit nuk pranuan të prononcohen për këtë çështje.

Në anën tjetër në rekomandimin e auditorit të përgjithshëm potencohej fakti që:

“Kryetari duhet të sigurojë se janë ndjekur të gjitha procedurat dhe hapat e prokurimit në angazhimin e kontraktorëve individual për shërbime të veçanta duke u kujdesur që personeli i angazhuar do të jetë në gjendje të përmbush detyrat e kërkuara. Po ashtu, menaxhmenti duhet të përkujdeset që angazhimet për pozitat e rregullta të zhvillohen përmes procesit të rregullt të rekrutimit”.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

16 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 day ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar