Ferizaj
Në Ferizaj edhe peshqit ngordhin nga thatësia
Këta ishin peshqit e pafat që nuk arritën t’i shpëtonin tharjes së lumit të Nerodimes tek rruga Shaban Biba në Ferizaj.
Një pjesë të tufës së tyre i shpëtoi Ramush Rama i cili i barti në zonën me ujë.
“Jetoj që 60 vjet këtu, këta peshqi kur i kam pa të coft më ka ardhë shumë gjynah, për fat e kam një liqen në Jezerc dhe thash çka të mundem me shpëtu kam me i shpëtu. Nja 150 i kam shpëtu mesiguri, i kam dërgu aty në liqe janë. Uji qe pesë ditë nuk ka ardhë asnjë pikë këtu hiq, pa ujë peshku nuk jeton, uji nuk guxon me u ndalë, duhet me qarkullu nonstop… Kjo s’ka ndodhë, nuk e mbaj mend këtë kurrë, 66 vjet i kam, këtu jam rritë, bash qeshtu të tert arrë nuk e mbaj mend kurrë hiq. Ka pasë ujë më pak, por me u shtjerr krejt jo, e tash është shtjerrë, asnjë gjallesë këtu nuk e ke”.
Edhe Hamëz Uksmajli shpreh pakënaqësinë për dëmet që janë shkaktuar nga mungesa e ujit në lumë dhe papastërtia.
“Që pesë ditë e kemi vërejtë që këtu ka mungesë të qarkullimit të ujit. Nuk e dimë në përgjegjësi të kujt është por është mungesë e madhe siç po shihet këtu po tregohet papastërtia, kur ka pasë ujë janë larguar mbeturinat, ka pasë gjallesa të shumta të cilat kanë qarkullu dhe e kanë bërë natyrën më të mirë. Tash më ujë nuk ka, nuk e dimë përgjegjësi e kujt është por duhet të mirren masa nga institucionet për shkak se njerëzit dalin këtu e përdorin si shëtitore dhe shihet pra një pasqyrë e keqe e një papërgjegjësie nga institucionet. Nuk mund ta fajësojmë askënd sepse nuk e dimë si kanë rrjedhë rrjedhë ngjarjet, e kur të mësohet arsyet ne do të kërkojmë përgjegjësi sepse kjo ka qenë pjesë e jona dhe e kemi mirëmbajtë”.
Ilaz Nrecaj, banor i kësaj ane thotë se nuk e mban mend një thatësi të tillë gjatë jetës së tij.
“39 vjet i kam unë, sa e mbaj mend ky lumë kurrë kështu nuk është shtjerrë…. Kjo është hera e parë sivjet që është bërë kështu, tash nuk e di kush i ka fajet e kush merret me këto punë veç është marre, kanë cofë edhe peshqit, tmerr është. ..As pastrim, qe çka kanë bërë, therra, bari është rritë, kërkush s’ju rri gati veç ne që i kositim nganjëherë vet. Nuk e di çfarë qëllimi kanë ata, veç tmerr”.
Në gjendje po aq të mjerueshme nga thatësia është edhe zona e urës së Islamit, e cila banorëve me vite u shkaktonte shqetësime nga kundërmimi.
Banorët e këtushëm aludojnë se fajtorë për mungesën e ujit janë kompania “Bifurkacioni” dhe bizneset e kësaj ane,të cilat e ndalën edhe atë pak sasi e cila mbërrinte këtu më herët.
Nga kompania “Bifurkacioni” thonë se ata marrin sasinë e njëjtë të ujit në fshatin Jezerc siç edhe kanë marrë gjithmonë, mirëpo nuk u bë e ditur përqindja e lumit e cila përfundon në gyp.
“Lejen ujore kur e kemi marrë, kur është ndërtu kaptazha dihet sasia që mirret. Sasia e njejtë është marrë prej fillimit deri tash. Edhe me deshtë unë si kompani, nuk mundem me marrë ujë më tepër se që më vynë. Sasia është e njejtë sepse me ligj është e rregulluar që pjesa tjetër duhet me shku në lumenj. Tash pjesa që vjen nga kaptazha jonë e knej, nuk e di kush mundet me manipulu, ajo nuk është përgjegjësi e jemja.”
Megjithatë edhe në pjesën pas kaptazhës së kësaj kompanie në fshatin Jezerc, shihet një sasi mjaft e ulët e ujit në lumë.
Prokuroria Themelore në Ferizaj ka bërë të ditur se është dërguar në mbajtje për 48 orë i arrestuari V.A., i dyshuar për vrasjen e ish gruas (21 vjeçe) dhe plagosjen e vëllait të mitur (15 vjeç) të viktimës.
Sipas prokurorisë, dorasi dyshohet për veprën penale “vrasja”, ndërsa brenda afatit ligjor ndaj të dyshuarit do të parashtrohet edhe kërkesa për caktimin e masës së paraburgimit.
“I dyshuari në këtë rast, me iniciale V.A., me vendim të Prokurorit të Shtetit, është ndaluar në kohëzgjatje prej 48 orësh, për shkak të dyshimit të veprës penale “Vrasja” sipas Kodit Penal të Republikës së Kosovës”.
Ngjarja e rëndë ndodhi pasditen e sotme, rreth orës 14:40, në Qendrën për Punë Sociale në Ferizaj, kurse i dyshuari është arrestuar rreth orës 15:15.
Si pasojë e të shtënave, viktima 21 vjeçare ka ndërruar jetë në vendin e ngjarjes, kurse i plagosuri, vëllai i viktimës, i moshës së mitur është dërguar në Qendrën Emergjente në Ferizaj.
Mjeku kujdestar, Sefedin Fazliu tha se i plagosuri është pranuar me plagë shpuese nga arma e zjarrit në parakrahun e djathtë dhe pas intervenimit kirurgjik i është hequr plumbi .
Më pas, pacienti është transferuar për trajtim në repartin e ortopedisë në spitalin e Ferizajt, tha Fazliu.
-
Ferizaj6 days agoVritet një grua dhe plagoset një burrë në Qendrën për Punë Sociale në Ferizaj
-
Ferizaj6 days agoVrasja në Ferizaj – I arrestuari është ish-bashkëshorti i viktimës
-
Ferizaj5 days agoI dyshuari për vrasjen dhe plagosjen në Ferizaj dërgohet në mbajtje për 48 orë
-
Kosovë5 days agoAktakuzë ndaj 16 personave për ryshfet, mashtrim e keqpërdorim detyre në rastin “Subvencionet 6”
-
Ferizaj2 days agoArrestohet një person i kërkuar në Ferizaj
-
Kosovë1 week agoKaloi në përjetësi shkrimtari dhe intelektuali i shquar, Fadil L. Curri
-
Kosovë2 days agoGruaja e vrarë sot në Pejë, punonte si asistente stomatologjike
-
Kosovë1 week agoManifestimi qendror i Fitër Bajramit mbahet në Xhaminë e Madhe në Prishtinë
-
Kosovë2 days agoPolicia shpall në kërkim xhudistin kosovar Akil Gjakova
-
Kosovë15 hours agoVon Cramon i kërkon Serbisë lirimin e menjëhershëm të udhëtarëve nga Kosova
-
Kosovë2 days agoPresidentja Osmani e shpallë të mërkurën ditë zie shtetërore
-
Kosovë18 hours agoMPJ : Qytetarët të shmangin “me çdo kusht” kalimin nëpër Serbi
-
Kosovë14 hours ago
Lirohen disa nga kosovarët e ndaluar në kufirin Serbi-Kroaci
-
Kosovë14 hours agoKryeministri Kurti akuzoi Serbinë për shkelje të rëndë të të drejtave të njeriut
-
Kosovë18 hours agoLirohet Fahri Fazliu – EULEX ia konfiskon telefonin