Ferizaj

Arkivi historik në pritje të objektit të ri

Published

5 years ago

20 August, 2021

Arkivi historik, i qytetit ka një moshë 40 vjeçare. I themeluar në vitin 1980, në këtë arkiv deri ne ditët e sotme janë 67 fonde të veprimtarive të ndryshme. Për historikun e këtij arkivi dhe rreth punës së tij, na rrëfen Bekim Sallahu, përgjegjësi i Arkivit.

“Në Arkivin Historik për momentin dokumentin më të vjetër që e kemi, e kemi një libër të regjistrimeve të rekrutëve të ish Jugosllavisë është i vitit 1924, dokumenti më i vjetër është i vitit 1924 deri në ditët e sotme që e kanë afatin e ruajtjes deri në vitin 2015, që e kem dokumentin më të ri .”
Bekim Sallahu – Përgjegjës i Arkivit Historik

*Bekim Sallahu – Përgjegjës i Arkivit Historik*

Gjithashtu Sallahu na tregon për kushtet e punës në këtë objekt dhe si po ruhen dokumentacionet.

“Në arkivin historik të qytetit të Ferizajt, kushtet nuk janë edhe aq të mira, por duke bërë krahasimin edhe me qytetet tjera, nuk është edhe shumë keq gjendja fizike e dokumentacionit, mirë po është mungesa e kufizuar arkivuese domethënë kemi ende material në Komunë që duhet me u arkivuar, mirëpo për shkak të hapësirës jemi të detyruar që këtë dokumentacion me e mbajt, është mungesë e hapësirës presim tash edhe një komision për asgjësim të materialit, që dy herë është formuar, mirëpo nuk e di arsyen se pse nuk ka ardhë komisioni për asgjësim të materialit që e ka kaluar afatin e ruajtjes, kemi oferta të prokurimt, që e kanë kaluar afatin e ruajtjes fatkeqësisht nuk është dashtë të jetë hiç në arkiv por jemi detyrua për me i marr domethënë në vitet 2015-2016, ashtu nga Drejtoria e Administratës. Me sa jemi në dijeni është themeluar edhe arkivi ndër komunal që pritet të vendoset në ish pallatin e Rinisë këtu në qytetin e Ferizajt ku është ndërtuar tash, ku ende nuk kanë filluar me punën .”
Bekim Sallahu – Përgjegjës i Arkivit Historik

Ky objekt kaq i vogël ruan shumë dokumente të rëndësishme të qytetit të Ferizajt, por sa më shpejt i duhet një objekt tjetër ri për një siguri më të madhe të dokumentacioneve.

Ferizaj

Një burrë theret me kaçavidë nga dy persona në Ferizaj

Published

1 hour ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

23 hours ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

2 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.