Arsim

700 vende për studimet bachelor në Universitetin e Shkencave të Aplikuara

Published

3 years ago

19 August, 2021

Në Universiteti e Shkencave të Aplikuara në Ferizaj, po zhvillohet procesi i konkurrimit online për studentët e rinj, kurse më 23 gusht do të filloj dorëzimi i dokumenteve. Në këtë vit akademik në nivelin bachelor, do të pranohen 700 studentë të rregullt. Për më shumë informacione takuam Rrahim Sejdiun, prorektori për mësim, shkencë dhe për çështje të studentëve.

“Në Universitetin e Shkencave të Aplikuara në Ferizaj, domethënë vazhdon të jetë i hapur afati për aplikimin e studentëve të rijnë dhe deri më datën 24 është hapur, aplikimi është online, për shkak të kushteve nga pandemia aplikimi është krejtësisht online, ndërkaq dorëzimi i dokumenteve fillon nga data 23. Aplikantët fillimisht bëjnë aplikimin e tyre online pastaj vijnë dhe i dorëzojnë dokumentacionin, ata të cilët nuk kanë aplikuar online, realisht nuk kanë mundësi pas mbylljes së afatit që t’i dorëzojnë dokumentacionet fizike sepse nuk janë të ranguar sipas sistemit universitar që e kemi këtu në universitet.”
Rrahim Sejdiu – Prorektor për mësim, shkencë dhe për çështje të studentëve

Gjithashtu Sejdiu, foli edhe për drejtimet e reja në nivelet bachelor dhe master.

“Universiteti i Shkencave të Aplikuara në Ferizaj ka hapur konkursin në drejtimet bachelor dhe master, në studimet master janë tri drejtime 1 Arkitekturë dhe Dizajn i Interierit me Prodhime nga Druri, 2 Menaxhimi dhe Inovacioni në Turizëm, 3 Inxhinieria dhe Informatika. Ndërsa në studimet bachelor janë hapë konkurset në 9 programe, programi i arkitekturës, interierit dizajnit të mobileve, dizajni dhe konstruksionet e produkteve nga druri, është Inxhinieria Industriale me Informatikë, është Informatika e Aplikuar, është drejtimi i Menaxhmentit Industrial, drejtimi i Turizmit dhe Menaxhmenti është drejtimi i Arteve të aplikuara ose Dizajni Grafik”.
Rrahim Sejdiu – Prorektor për mësim, shkencë dhe për çështje të studentëve

Në veçanti Sejdiu tregoi se sa studentë do të pranohen në këtë vit akademik nëpër drejtimet e reja.

“Numri i përgjithshëm që kemi me i pranu në studimet bachelor është 700, ndërkaq 150 në studime master . Në këtë vit drejtim i ri është ai i Informatikës së Aplikuar që është një drejtim që sapo është akredituar, ndërkaq kemi edhe programe të cilat i kemi ri-akredituar këtë vit të cilët kanë pësuar disa ndryshime minore por baza është ajo që ka qenë, ndërkaq tek inxhinieria kemi ri-akredituar programin e inxhinierisë industriale dhe informatikës.”
Rrahim Sejdiu – Prorektor për mësim, shkencë dhe për çështje të studentëve

Ky Universitet vitin e parë bachelor e ka pa pagesë, ndërsa studentëve ju ofrojnë laboratorë dhe punëtori të ndryshme ku studentët pos studimit munden me e praktiku punën e tyre.

Arsim

Të enjten në Ferizaj ndihmohen prindërit për aplikim për subvencionimin e librave

Published

8 months ago

30 August, 2023

administrator

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Arsim

Në E-Kosova hapet platforma për subvencionimin e librave shkollorë

Published

8 months ago

25 August, 2023

administrator

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.

Arsim

Më shumë se gjysma e nxënësve ferizajas patën rezultat negativ në testin e arritshmërisë vitin e kaluar

Published

1 year ago

29 March, 2023

administrator

Më shumë se gjysma e nxënësve që mbaruan klasën e nëntë më 2022 patën rezultat negativ në testin e arritshmërisë.

Sipas të dhënave nga Drejtoria e Arsimit të Ferizajt, 53.4% e këtyre nxënësve apo 896 nga ta patën rezultat negativ kurse 46.6% apo 780 nxënës patën rezultat pozitiv.

Më mirë në rezultate qëndrojnë maturantët ferizajas të cilët në afatin e parë rezultat pozitiv patën 77.8% e tyre e 22.2% patën rezultat negativ.

Edhe në afatin e gushtit, ku në provimin e maturës hynë 309 maturantë, 186 nga ta patën rezultat pozitiv kurse 123 negativ.