Ferizaj
Krivaqa paraburgoset për një muaj, gjatë seancës ndërhyn edhe urgjenca
Seanca dëgjimore ndaj Dardan Krivaqës, i dyshuar për vrasjen e Marigona Osmanit u ndal në gjysmë.
Kjo për shkak të gjendjes shëndetësore të Krivaqës, gjendje për të cilën u desh të ndërhyjë urgjenca e Ferizajt.
Mjeku Astrit Hoxha i cili ka ndërhyrë në këtë rast tregoi për gjendjen në të cilën u gjend Krivaqa.
“Sot kemi qenë në Gjykatën Themelore në Ferizaj për ekzaminimin e personit në fjalë. Pasi që personi nuk është ndier mirë, gjykatësi ka thirrur urgjencën primare në Ferizaj. Në vendin e ngjarjes, parametrat vitale të personit kanë qenë në normë përpos një tensioni arterial të ngritur, mirëpo ka qenë një gjendje depresive bukur e rëndë, ka qenë shumë e vështirë të komunikojmë me pacientin. E gjithë kjo dyshohet se ka ardhur si pasojë e përdorimit të substancave narkotike, për të cilat personi në fjalë e ka pranuar vet dje e që në mjekësi njihet si sindromi i abstinencës”.
Astrit Hoxha – Mjek i Urgjencës së Ferizajt
Hoxha thotë se për këtë rast duhet të këshillohet edhe psikiatri.
“Kemi pasë pak hapësirë për ndërhyrje, gjykatësi është këshilluar që të këshillohet edhe psikiatri… Gjendja ka qenë stabile, vetëm se ka qenë në gjendje depresive të rëndë dhe u këshillua që pacienti të pushojë edhe pak derisa të kalojë kjo fazë, pra trupi i tij të pastrohet nga substancat narkotike të cilat dyshohet se personi në fjalë i ka përdorur”.
Astrit Hoxha – Mjek i Urgjencës së Ferizajt
Gjykata Themelore në Ferizaj përmes një komunikate për media tregon se u konfirmua kërkesa e prokurorisë dhe Krivaqës i është caktuar masa e paraburgimit prej një muaji.
Në këtë komunikatë poashtu thuhet se gjatë seancës dëgjimore “është vlerësuar se ekziston dyshimi i bazuar mirë, se i pandehuri më 22 gusht 2021, në Ferizaj, në banesën e tij, me dashje, në mënyrë mizore për motive të ulëta, një natë përpara, ka ushtruar fillimisht dhunën psikike, pastaj edhe dhunë fizike, e cila ka vazhduar edhe ditën kritike, derisa e ndjera ka ndërruar jetë”.
-
Kosovë6 days agoDënohen me 32 vjet burgim katër të akuzuarit në rastin “Toka 2”
-
Kosovë1 week agoAsamblistët e LVV-së në Prishtinë dorëzojnë kallëzim penal ndaj Përparim Ramës
-
Kosovë1 week agoAutoritetet gërmojnë në Zubin Potok për mbetje të dyshuara mortore të të zhdukurve në luftë
-
Kosovë1 week agoAutoritetet thonë se gërmimet në Zubin Potok mund të zgjasin, bëjnë thirrje që të mos dëmtohen hetimet
-
Ferizaj1 week agoTërhiqet mjeti i dyshuar shpërthyes nga Lybeteni
-
Kosovë1 week agoVdes njëri nga dy të lënduarit pas rënies së një vinçi në Prishtinë
-
Ferizaj1 day agoQytetarëve u vijnë mesazhe mashtruese – Policia apelon për kujdes
-
Kosovë1 day agoLDK kërkon postin e presidentit
-
Kosovë13 hours agoMblidhen deputetët për seancën konstituive të Kuvendit të Kosovës
-
Kosovë3 days agoKurti dhe Abdixhiku takohen të martën, PDK dhe Aleanca refuzojnë ftesën