Ferizaj
Mbledhje përkujtuese për ish-Kryeprokurorin Ekrem Shabanin
Me rastin e vdekjes së ish-kryeprokurorit Ekrem Shabanit, u mbajt mbledhja komemorative në Teatrin “Adriana Abdullahu”, në Ferizaj, në të cilën familjarët, kolegët e tij dhe qytetarët nderuan kujtimin për të. Duke folur për veprimtarinë e të ndjerit Shabani si avokat, Kryetari i Odës së Avokatëve Behar Ejupi, ndër të tjera tha.
“Kam pas fatin si Avokat të mbajë gjykime me të dhe me veprimet e tij, me kulturën e tij, me respektin e tij, ka ditë që neve si avokat të na afroj dhe me të vërtetë, tek ne të mbjellë një respekt shumë të madh, dhe të kemi dashuri të veçantë ndaj tij si njeri. Për Odën, vërtetë është një humbje e madhe, shkuarja e Ekrem Shabanit, mirëpo në të ardhmen çdo herë Oda e Avokatëve por edhe unë si avokat, do të kem respekt për familjen e tij lidhur me atë se çfarë ai ka mbjellur tek ne si avokatë të rinj , por edhe te unë.
Behar Ejupi – Kryetar i Odës së Avokatëve
Për punën e të ndjerit si kryeprokuror, foli kryeprokurori aktual Shukri Jashari.
“Më lejoni që në emër të prokurorisë themelore në Ferizaj të ju shprehi ngushëllime më të sinqerta familjes dhe kolegut tonë Vetonin për humbjen e babit të tij. Sot ju shprehi ngushëllime të gjithë kolegëve që e patën rastin që të punojnë me ish prokurorin e prokurorisë komunale, në Ferizaj, Ekrem Shabanin. Ish prokurori shërbeu në prokurori komunale në Ferizaj, për një dekadë të tërë, duke qenë shembull i një njeri me një integritet të lartë, profesionalizëm e me vlera të larta njerëzore, humbja e tij është e madhe jo vetëm për familjen Shabani por edhe për sistemin e drejtësisë.”
Shukri Jashari – Kryeprokuror i Ferizajt
Kurse Sahit Krasniqi, ushtrues i detyrës si kryetar i Gjykatës Themelore në Ferizaj, shprehu dhembjen dhe habinë për humbjen e kolegut Shabani.
“Nuk është lehtë sot të zgjedhësh fjalët lamtumirëse për familjen tuaj, për kolegun tonë, sepse as njëri prej nesh nuk e kishte menduar një çast si ky apo një arsye të rëndë si kjo sot këtu sepse asnjëri prej nesh as që e kishte çuar në mendje se kolegu ynë me gjallërinë që kishte me dëshirën dhe vullnetin që kishte dhe punën, do të nisej kaq pa pritur për t’u ndarë nga ne, e nga të gjithë njerëzit që e donin e respektonin siç deshi edhe ai që ne të kemi respekt për të.”
Sahit Krasniqi – U.D Kryetar i Gjykatës Themelore në Ferizaj
Të pranishmit, në emër të familjes Shabani i falënderoi Fitim Shabani
“Faleminderit për të gjithë ju që keni ardhur sot na keni zvogëluar dhimbjen edhe e keni ndarë dhimbjen me ne si familjarë. Për mu sot është shumë e vështirë para jush t’i flasë këto fjalë për veç që flas për babin flasë për një mik dhe një bashkëpunëtorë me të cilin e fillova karrierën dhe i cili ma la në dorë gjithë atë dituri të tij, urtësinë dhe gjitha vlerat e tij të cilat do të mundohem t’i përçoj dhe t’i ndjek gjatë gjithë jetës. Baba ti sot na le, përkujtimi do të mbetet gjithmonë mes nesh.”
Fitim Shabani – Djali i të ndjerit
Varrimi i të ndjerit u bë në vendlindjen e tij në fshatin Gaçkë.
-
Ferizaj4 days agoPolicia në Ferizaj ka arrestuar një person për posedim të narkotikëve
-
Ferizaj1 day agoHumb jetën një punëtor në një objekt në ndërtim në Ferizaj
-
Kosovë6 days agoJustina Shiroka Pula inaugurohet si presidente e shtatë e Kosovës
-
Kosovë1 week agoKuvendi miraton në lexim të parë Projektligjin për Specialen
-
Ferizaj4 days agoSiguria juaj fillon me zgjedhjen e duhur të sigurimit
-
Kosovë1 day agoAktakuzë për krime lufte në Zveçan, i dyshuari akuzohet për vrasje civilësh
-
Ferizaj10 hours agoNdalohet për 48 orë një person për rastin e vdekjes të punëtorit në Ferizaj
-
Kosovë9 hours agoProkuroria interviston Gani Gecin dhe Lirim Mehmetajn