Karateistja ferizajase kthehet me medalje nga europiani

Këto janë pamjet nga Kampionati Evropian, prej nga Behije Mustafa, Kosovës i solli medaljen e bronztë. Ferizajasja e re është anëtare e klubit të Karatesë “Fituesi”, nga Ferizaj.

“Merrem me sportin e karatesë gati që 9 vite, ushtroj çdo ditë dhe kam marrë pjesë në gara, gara e fundit ka qenë Kampionati Europian, ku edhe jam stolisë me medaljen e bronztë. Karate nuk është e vështirë kur e donë e punon me vullnet. Ndërsa sa i përket garave ka qenë Europiani i parë që kam marrë pjesë edhe ka qenë ndjenjë e papërshkrueshme për mua, një ndjenjë shumë e mirë. Unë kam garuar në katër lufta te të katër luftat i kam fituar, kam qenë me garuese nga Izraeli, Italia, Zvicrra dhe Suedia. Ju kisha bërë thirrje të gjithë të rinjve, që nuk domethënë me u marr me karate, por me u marrë me çfarëdo sporti, sepse është mirë.”

Behije Mustafa – Karateiste
Behije Mustafa – Karateiste

Për klubin dhe sukseset e nxënësve të tij foli me adhurim, trajneri Bajram Bajrami.

“Klubi i karatesë për momentin i ka 40 anëtarë nga gjinia mashkullore dhe gjinia femërore, klubi është multi- etnik, nga të gjitha komunitetet, ku Behije Mustafa është medalistja e cila e ka arritur medaljen e bronztë, Sefer Bajrami është medalist ballkanik ndërsa Viola Krasniqi e ka përfaqësuar Kosovën në kampionatin Europian, që ishte para këtij viti, po klubi i karatesë ”Fituesi” në Ferizaj ka pas përfaqësues në kampionatin ballkanik, europian, tash pritet me marrë pjesë edhe në kampionatin botërorë ku dihet që favorite për medalje do të jetë Behije Mustafa. Behije Mustafa është trajnuar që nga mosha 8 vjeçare në klubin tonë dhe është anëtare përfaqësuese e Kosovës nga mosha 12 vjeçare. Behije Mustafa para dy muajve është bërë edhe mjeshtre e brezit të zi.”

Bajram Bajrami – Trajner i Klubit të Karatesë “Fituesi”
Bajram Bajrami – Trajner i Klubit të Karatesë “Fituesi”

Karateistët e këtij klubi synojnë të marrin pjesë edhe në Kampionatin Botëror, me shpresën që të kthehen edhe nga atje, me më shumë medalje.