Connect with us

Arbëri

Dy shfaqje Ferizajase në dy Festivale ndërkombëtare

Published

on

Teatri i qytetit “Adriana Abdullahu”, do të merr pjesë me dy shfaqje, në dy Festivale jashtë vendit. Trupa ferizajase do ta përfaqësojë Kosovën në Festivalin e komedisë “Koko Fest”, në Korçë si dhe në atë “Programi Jubilar”, në Teatrin Shqiptar në Dibër, i cili këtë vit shënon 20 vjetorin e tij.

Drejtori Fatmir Hyseni, ndjehet shumë mirë me këtë pjesëmarrje të Teatrit “Adriana”, në dy festivalet.

“Po teatri i Ferizajt i ka dy ftesa, është Festivali “Koko Fest” i Korçës, ku do të marrim pjesë. Të dielën niset trupa e Ferizajt, kurse të hënën e kemi shfaqjen që e prezantojmë në festival. Shfaqja me të cilën marrim pjesë në këtë festival është “Gratë në Pralamentë” e Arsitofanit me regji të Elmaze Nurës”.

Fatmir Hyseni – Drejtor i Teatrit “Adriana Abdullahu”
Fatmir Hyseni – Drejtor i Teatrit “Adriana Abdullahu”

Ndërsa shfaqja tjetër ferizajase do të ipet në Festivalin “Programi Jubilar”, në Dibër të Maqedonisë Veriore.

“Pastaj e kemi shfaqje tjetër, “Vizita e Zonjës Plakë”, me regji të Sulejman Rushitit, që do të prezantohet në Festivalin e Dibrës “Programi Jubilar” në Maqedoninë Veriore më 4 shtator. Unë besoj që me këto dy shfaqje do ta prezantojmë teatrin tonë në të dy Festivalet shumë të rëndësishme, mirëpo në Festivalin e Korçës jemi vetëm ne nga Kosova, do ta përfaqësojmë edhe Kosovën atje sa më denjësisht.”

Fatmir Hyseni – Drejtor i Teatrit “Adriana Abdullahu”

Gjithashtu Hyseni tregoi edhe për përgatitjet që po bëhen për Festivalin e Teatrove të Kosovës që do të mbahet, sivjet në muajin shtator.

“Përpos pjesëmarrjeve nëpër Festivale e kemi edhe “Festivalin e Teatrove”, domethënë përgatitjen e Festivalit në Ferizaj. Teatri i Ferizaj tash fillon edhe sezonin vjeshtor, ku mendojmë që t’i kemi 2 shfaqje premiera në këtë vit, por të gjitha këto prapë se prapë varen nga situata pandemike se si do të rrjedhë dhe sa do të na lejojnë kushtet pandemike që t’i zhvillojmë aktivitetet, përpos kësaj do të kemi normalisht edhe reportarin e rregullt të teatrit deri në fund të vitit.”

Fatmir Hyseni – Drejtor i Teatrit “Adriana Abdullahu”

Këto dy Festivale janë konkurrues, ku do të ketë përzgjedhje të shfaqjeve edhe nga juria profesionale. Ndërsa Hyseni gjithashtu shtoi se për  Festivalin e Teatrove, do të bëhet një zgjidhje për mënyrën se si do të mbahet ai, nëse është e nevojshme edhe në mënyrën online.

Continue Reading
Click to comment

Leave a Reply

Your email address will not be published. Required fields are marked *

Arbëri

Në Morinë konfiskohen 11 kg heroinë – arrestohet pejani 39 vjeç

Published

on

Një 39-vjeçar nga Peja është arrestuar nga policia shqiptare në Morinë pasi tentoi të transportonte 11 kilogramë lëndë narkotike e dyshuar heroinë.

Në njoftim bëhet e ditur se zbulimi i narkotikëve dhe arrestimi i shtetasit kosovar A. K., u realizua në bashkëpunim me shërbimet doganore dhe të inteligjencës të Policisë Kufitare të Morinës dhe të Kosovës.

Në aksionin policor të koduar “Koordinimi” u sekuestruan 11 kilogram të substancës narkotike si dhe automjeti i tipit “Volkswagen” ku u gjet kjo lëndë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.

Continue Reading

Arbëri

Osmani prezantohet si kandidat për president të Maqedonisë së Veriut

Published

on

Bashkimi Demokratik për Integrim (BDI), të enjten ka prezantuar Bujar Osmanin si kandidat i kësaj partie në zgjedhjet presidenciale në Maqedonisë së Veriut që do të mbahen më 24 prill.

Këtë e ka bërë të ditur kryetari i BDI-së Ali Ahmeti, nëpërmjet një video-mesazhi teksa ka bërë thirrje për “unitet” për t’i thënë sipas tij, “JO Rusisë, PO Evropës”.

Bujar Osmani aktualisht është ministër i Punëve të Jashtme i Maqedonisë së Veriut dhe nënkryetar i BDI-së.

“Bujari e ka dëshmuar veten në skenën vendore dhe ndërkombëtare dhe ka ngadhënjyer në betejën kundër Rusisë si dhe ka qenë pjesë e ekipit tonë për ndryshimin e Kushtetutës, anëtarësimin në NATO dhe nisjen e negociatave për anëtarësim në Bashkimin Evropian”, ka thënë Ahmeti duke e cilësuar Rusinë si kërcënimin serioz për gjithë botën.

Kreu i BDI-së, gjithashtu, ka paraqitur kërkesën për instalimin edhe të postit të zëvendëspresidentit të Maqedonisë së Veriut, që, sipas tij, së bashku me presidentin, në të ardhmen të zgjidhen nga Kuvendi i Maqedonisë së Veriut, dhe jo në zgjedhje të drejtpërdrejta.

Ahmeti ka thënë se vetëm në këtë mënyrë mund të arrihet që Maqedonia e Veriut të ketë president konsensual.

“Me Bujarin po e nisim referendumin më të rëndësishëm të kohës dhe betejën e radhës për ta fituar besimin tuaj që ta zgjedhim presidentin në Kuvend me shumicë të dy të tretave të votave dhe me Badinter, për të realizuar vizionin tonë për president konsensual. Ky besim i juaji do të na mundësojë që me hapjen e Kushtetutës ta realizojmë edhe Marrëveshjen me Bullgarinë dhe ta zhbllokojmë integrimin evropian dhe kështu i themi Rusisë IK!”, ka thënë Ahmeti.

Ndryshimi i Kushtetutës, sipas Ahmetit, duhet të bëhet për përfshirjen e pakicës bullgare në preambulën e saj dhe zhbllokimin e procesit të integrimit në BE.

Ahmeti ka thënë se BDI-ja nuk do të jetë pjesë e asnjë qeverie të ardhshme, e cila nuk do të pranonte ndryshimin e Kushtetutës së Maqedonisë s Veriut.

Kërkesa e BDI-së për zgjedhjen e presidentit në Kuvend është e njëjtë me atë të kandidatit të opozitës shqiptare, Arben Taravari, që u prezantua mbrëmjen e së mërkurës.

Veç kësaj, Taravari tha se ndryshimi duhet të përfshijë edhe heqjen e termit “20 për qind” për gjuhën shqipe apo ridefinimin e saj si “gjuhë shqipe”.

“Tani e kemi mundësinë që së bashku të forcojmë demokracinë konsensuale në mënyrë kushtetuese, tani mund të sigurojmë njërën nga tri postet kryesore shtetërore që me automatizëm t’u takojë shqiptarëve si kombi i dytë shumicë në Maqedoni [të Veriut]”, tha kandidati për president i opozitës shqiptare.

Deklaratat e përfaqësuesve politikë shqiptarë në pushtet dhe opozitë, pasojnë momentin kur Lidhja Social Demokrate (LSDM) në pushtet njoftoi të mërkurën se kryesia partiake ka vendosur që presidenti aktual, Stevo Pendarovski, të jetë kandidat i saj për zgjedhjet presidenciale që do të mbahen më 24 prill.

Ndërkohë, partia opozitare maqedonase VMRO DPMNE, njoftoi përmes një komunikate se deputetja e kësaj partie, Gordana Siljanovska-Davkova, është e vetmja që ka paraqitur kandidaturën për presidente.

Nëse ajo do të hyjë për herë të dytë në garën presidenciale, do të dihet pas konventës së partisë, më 2 mars.

Kandidaturën për president e ka paraqitur edhe partia E Majta, ndërsa këtë do ta bëjnë edhe disa partia tjera politike.

Zgjedhjet për president të Maqedonisë së Veriut do të mbahen në dy runde, i pari më 24 prill, ndërsa rundi i dytë do të mbahet së bashku me zgjedhjet parlamentare, më 8 maj.

/REL/

Continue Reading

Arbëri

Policia në Shqipëri arreston tre kosovarë pasi iu gjet sasi eksplozivi

Published

on

Policia në Shqipëri ka sekuestruar 46 kilogramë lëndë eksplozive që vinte nga Kosova dhe ka arrestuar tre të rinj nga Gjilani.

Drejtori i Policisë së Tiranës, Tonin Vocaj, tha se një grup kriminal nga Kosova ka kryer trafikim armësh dhe lëndësh eksplozive nga Kosova në drejtim të Shqipërisë.

“Gjatë një operacioni policor, më 4 shkurt në afërsi të urës së Gjolës në Fushë Krujë, u bë arrestimi në flagrancë i shtetasve kosovarë: Rigon Maliqi, 20 vjeç, Lion Pira, 25 vjeç dhe Shkëlqim Halabaku, 27 vjeç, të tre banues në Gjilan”, bëri të ditur Vocaj.

Ai tha se gjatë këtij operacioni, u sekuestruan 203 kallëpe me lëndë plasëse të dyshuara të jenë tritol me peshë 46 kilogramë. Voca tha se kjo sasi eksplozivi dyshohej se do të përdorej nga grupe kriminale të ndryshme, në territorin e Republikës së Shqipërisë.

Pamjet që publikoi Policia e Shtetit, tregonin se kallëpet e lëndës eksplozive ishin fshehur në kutitë e lëngjeve të frutave.

Gjithashtu, policia sekuestroi edhe 3 celularë dhe 1 automjet. Më herët, po ashtu janë zhvilluar dy operacione dhe janë arrestuar dy persona e janë sekuestruar katër armë zjarri pistoleta, së bashku me krehra dhe municione luftarake, të cilat janë trafikuar nga Kosova në drejtim të Shqipërisë.

/REL/

Continue Reading

Trending