Ferizaj

Vazhdon trendi i uljes së buxhetit komunal

Published

5 years ago

02 September, 2021

Saktësisht 33,933,868 euro është buxheti i Komunës së Ferizajt për vitin 2022.

Edhe pse të hyrat vetanake, që planifikohen të jenë gati 6 milionë euro, janë rritur krahasuar me vitin e kaluar, buxheti i vitit të ardhshëm do të jetë më i vogël se i vitit paraprak.

“Kemi pasur rritje të tavanit të planifikimit të të hyrave vetanake. Nëse do të mund t’i realizojmë si Komunë, do e shohim vitin e ardhshëm nëse edhe gjendja me pandeminë rregullohet. Buxheti i vitit të ardhshëm krahasuar me sivjet është më i vogël për 274 mijë euro në tërësi. Por sivjet në buxhet është përfshirë edhe klauzola investive e cila njihet si “Ndërtimi i Fabrikës së Ujit” në Talinoc”.
Sebahate Ajeti-Sadiku – Drejtoreshë e Financave në Ferizaj

Anomalia e uljes së buxhetit përveç sivjet është vërejtur edhe viteve të kaluara, ku nga buxheti prej 36 milionë në vitin 2020, Ferizajt i kishte rënë në 34 milionë për vitin 2021, e për këtë pati sqarim Ajeti-Sadiku.

“Është Qeveria e Kosovës që vendosë tavanet për secilën organizatë buxhetore, duke përfshirë edhe numrin e banorëve. Edhe pse kemi pasur kërkesë të vazhdueshme që të rritet buxheti por janë këta kufinj që kanë ardhur dhe e kemi obligim ligjor që t’i respektojmë”.
Sebahate Ajeti-Sadiku – Drejtoreshë e Financave në Ferizaj

Se a ka rrezik të mos votimit të buxhetit, për shkak të afrimit të zgjedhjeve, Ajeti-Sadiku, beson që nuk ka, por se tregon se nëse ky Kuvend Komunal nuk e voton buxhetin deri në fund të shtatorit, atëherë Kuvendi i ri i dalë nga zgjedhjet e reja do të duhet ta miratojë.

“E dimë që zgjedhjet lokale janë afër dhe nëse rastësisht nuk miratohet buxheti në seancën e shtatorit jemi të detyruar të thërrasim seancë të jashtëzakonshme përsëri, në të kundërtën, deri në votimin e këtij buxheti, Ministria e bënë alokimin e mjeteve në bazë të buxhetit të këtij viti. Komuna nuk mbetet pa buxhet por është mirë që të aprovohet në mënyrë që t’i marrim në total këto vlera nga Ministria e Financave”.
Sebahate Ajeti-Sadiku – Drejtoreshë e Financave në Ferizaj

Për buxhetin e vitit të ardhshëm në krahasim me sivjet, investimet kapitale do të ulen me një milion euro, derisa mallrat dhe shërbimet do të rriten në vlerë prej 500 mijë euro.

Ferizaj

Në Ferizaj raportohen katër bankënota të dyshuara nga 500 €

Published

1 day ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

1 day ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.