“Buzuku”, autorin ferizajas, e shpërblen me çmim të dytë për roman

Published

5 years ago

03 September, 2021

“Terror e Dashuri” është romani më i ri i shkrimtarit ferizajas Shkelzen Marevci, i cili fitoi çmimin e dytë nga shtëpia botuese “Buzuku”, në Prishtinë.

Në roman, Marevci trajton temën e terrorizmit nga këndi i njohësit të çështjeve të sigurisë.

“Ky roman ngërthen në vetvete dashurinë e vërtetë dhe terrorin e vërtetë. Dashuria dhe terrori ndeshen mes vete kur personazhi kryesor merr vendim të gabueshëm ku e hedh veten në erë por e gjymton gruan dhe djalin e tij. Lexuesi në roman do të gjejë edhe emocionin e fortë të dashurisë por edhe vuajtjet e shkaktuara nga terrori”.
Shkelzen Marevci – Shkrimtar

Marevci thotë se do ndihej i kënaqur nëse romani do të shpërndahej për shkak të porosisë që përçohet përmes tij.

“Me romanin kam deshtë me thanë porosi të mirë por edhe informacione për terrorizmin në përgjithësi dhe me u thanë që nëse ke vendos me kry këtë akt, atëherë askush nuk është i sigurt nga ti as familjarët e tu”.
Shkelzen Marevci – Shkrimtar

Ky roman, botuesit, fitoi këtë çmim për shkak të ngërthimit të psikologjisë dhe letërsisë.

“Është kënaqësi dhe satisfaksion. Romani ka marrë çmimin me trajtimin psikologjik të temës sepse jam mundu me përdorë psikologjinë me u thellu në mendjet e terroristëve dhe mendjet e viktimave të tyre”.
Shkelzen Marevci – Shkrimtar

Marevci, thotë se terrorizmi është më mirë të luftohet me masa parandaluese, sesa me masa represive.

Arrestohen 5 persona në Ferizaj, të dyshuar për “Vrasje në tentativë”

Published

1 hour ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

5 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

5 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.