Connect with us

Ferizaj

Filloi Festivali “FerFilm”, në Ferizaj

Published

on

Festivali i Filmit “FerFilm”, filloi mbrëmë në rrethana pandemie. Para një numri të kufizuar të shikuesve, në hapje të festivalit, është shfaqë filmi i metrazhit të gjatë, “Luaneshat e Kodrës”.

Organizatori i FerFilmit ndihej i nderuar, që ky film, hapi Festivalin:

“Gjithsesi sonte është planifikuar të shfaqet filmi “Luaneshat e Kodrës“, nga regjisorja Luana Bajrami, është film i konsideruar, shumë i suksesshëm brenda dhe jashtë vendit. Na ka nderuar neve shumë sonte, që do të shfaqet këtu, sidomos audiencën e Ferizajt, pasi që Luana vjen po nga ky qytet. Por e dhimbshme është me masat që i ka përcaktuar Qeveria e Kosovës, ne jemi të kufizuar se vetëm 30 persona kanë të drejtë të futen në sallën e teatrit  dhe me shumë dhimbje e them se një pjesë e audiencës nuk do të jenë pjesë e këtij festivali”.

Sabri Pajaziti – Udhëheqës i Sektorit të Kulturës në Ferizaj

Regjisorja ferizajase, Luana Bajrami, ishte e lumtur që Festivali në qytetin e saj po hapej pikërisht me filmin e saj “Luaneshat e Kodrës”

“Ndjehem shumë mirë që sonte filmi im po shfaqet në qytetin e Ferizajt, pasi që shumë lokacione i kemi xhiruar në këtë qytet, shpresoj që të ju pëlqej filmi dhe faleminderit. Mirë ndjehem por pak problematike që nuk mundemi me e mbush sallën me publik shumë, por prapë nuk qenka keq sonte paska publik, kurse ndjehem krenare sepse xhirimet janë bërë këtu. Janë befasu të Francës për shkak se e kanë pa Kosovën në një mënyrë ma të re, jo me lufta e gjëra tjera, kështu që me pa një rini aq të fuqishme dhe ato karaktere të filmit si këto tri luaneshat, ju kanë dhanë një përshtypje tepër të mirë. Po për mua është e rëndësishme me i lidhë dy kulturat të cilat i kam, me të cilat jam rritë unë Francën edhe Kosovën, por prapë nuk e di se ku do ta punoj filmin e ardhshëm, por kësaj here do të lidhem më shumë me botën.”

Luana Bajrami – Regjisore e filmit “Luaneshat e Kodrës”

Juria e këtij festivali do të ketë shumë punë që në mesin e 84 filmave të bëjë përzgjedhjen e më të mirëve

“Në kategorinë e filmave të shkurtër do të jenë 84 filma në katër kategori filmi animacion, i luajtur, dokumentar dhe filmi eksperimental në kuadër të këtyre katër kategorive ndahen katër çmime ashtu e ka traditë festivali, ky është edicioni i 9-të i festivalit dhe ndarja e çmimeve nuk ka ndryshuar asnjëherë, ndërsa në këtë vit është edhe një çmim special “Një prurje e re””.

Sabri Pajaziti – Udhëheqës i Sektorit të Kulturës në Ferizaj

Ky Festival pjesën tjetër do ta mbajë në Galeri por përsëri me numër të kufizuar të publikut, ku do të vazhdoj deri me 6 shtator.

Continue Reading
Click to comment

Leave a Reply

Your email address will not be published. Required fields are marked *

Ferizaj

Arrestohet për vjedhje të trotineteve dhe biçikletave në Ferizaj

Published

on

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Continue Reading

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

on

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se  të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe  3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.

Continue Reading

Ferizaj

Gjobiten dy të rinj që po zhvillonin gara shpejtësie në Ferizaj

Published

on

Policët e Njësisë së Komunikacionit Rrugor në Ferizaj, të martën  pak para mesnate,  kanë ndaluar dy shoferë që po zhvillonin gara shpejtësie dhe po rrezikonin sigurinë publike në rrugën “Driton Islami” në Ferizaj.

Shoferi L.Q. (19 vjeç), me veturë të tipit BMW me targa të huaja, është kapur në flagrancë duke garuar me një veturë tjetër. Atij i është shqiptuar gjoba prej 1000 eurove.

Shoferi tjetër Y.T. (19 vjeç), me veturë BMW me targa të huaja, është kapur në flagrancë duke marrë pjesë në gara shpejtësie. Për këtë kundërvajtje të rëndë është dënuar me gjobë prej 500 eurove, ndalesë për të drejtuar automjet në territorin e Republikës së Kosovës për 12 muaj.

Si dhe gjobë shtesë prej 500 eurove dhe masë mbrojtëse 6 muaj ndalim drejtimi, për shkak të një mase të mëhershme të ndalim-drejtimit, të cilën e kishte nga data 10.08 – 09.11.2025.

Këtij të fundit i është konfiskuar vetura, thuhet mes tjerash në njoftimin e Policisë së Kosovës.

Continue Reading

Trending