Botë

JANJIQ: Pas takimit në Bruksel, tabelat RKS lejohen në Serbi

Published

4 years ago

28 September, 2021

Analisti politik dhe udhëheqësi i organizatës “Forumi për Marrëdhënie Etnike” (Forum za Etnicke Odnose) me seli në Beograd, Dushan Janjiq, në një intervistë për televizionin “NewsMax Adria”, ka deklaruar se pas takimit në Bruksel, epilogu i situatës së tensionuar në veri do të jetë tërheqja e të dyja palëve nga pozicionet e tanishme , mirëpo me rregullim të çështjes së tabelave të regjistrimit për automjetet nga Kosova. Me këtë rast, Janjiq u shpreh:

“Sa i përket tabelave, aty nuk duhet shumë mençuri. Aty do të mbesin tabelat RKS, sepse nuk ka mundësi që një vend, çfarëdo qoftë ai, edhe pse ne nuk e njohim, të shtypë një lloj tabelash që vlejnë në gjithë botën, e të ketë një lloj tjetër vetëm për Serbi. Kjo është e pamundur…

Në këtë rast konkret, nuk ka zgjidhje tjetër, pos RKS. Nuk ka. Sikurse që Serbia nuk ka tabela të tjera, pos SRB.

Dhe nuk mundet tash që për shkak të lojërave politike, të luhet me ato tabela provuese, dhe pastaj të gjithë duhet të paguajnë kot, duke e ngarkuar biznesin dhe të tjerët. “

Dushan Janjiq është historian dhe publicist serb me famë botërore nga Leskovci, ndërsa tani udhëheq me organizatën joqeveritare Forumi për Marrëdhënie Etnike me seli në Beograd, i cila merret kryesisht me analizën e raporteve ndëretnike në Ballkan, e posaqërisht me ato ndërmjet Serbisë dhe Kosovës.

Botë

Një tërmet prej 6.1 ballësh godet Stambollin

Published

1 week ago

23 April, 2025

Redaksia

Tre tërmete lëkundën Stambollin mesditën e sotme, duke shkaktuar panik në mesin e miliona banorëve dhe vizitorëve të shumtë.

Tërmeti i parë me magnitudë 3.0 shkallë të Rihterit goditi bregdetin e rrethit Silivri në orën 12:13.

I dyti dhe më i fuqishmi, me magnitudë 6.1 ballë ka goditur të njëjtën zonë në orën 12:49, teksa tërmeti i tretë me magnitudë 4.9 ballë ka goditur në orën 12:51 lagjen Buyukcekmece të Stambollit.

Autoritetet turke nuk raportuan për dëme materiale apo në njerëz, porse kanë urdhëruar qytetarët të mos kthehen në banesat e tyre dhe të qëndrojnë në parqe e zona të hapura deri në njoftimin e radhës.

Botë

Rrahje, përplasje dhe tym në Kuvendin e Serbisë

Published

2 months ago

04 March, 2025

Redaksia

Kuvendi i Serbisë ndërpreu punimet e seancës së sotme pas përplasjeve fizike, rrahjeve, hedhjes së gazit lotsjellës dhe bombave me tym nga ana e deputetëve opozitarë, kundërshtarë të presidentit serb, Aleksandar Vuçiq.

Deri te kjo erdhi pasi deputetët e koalicionit qeverisës miratuan rendin e ditës, të cilin opozita e kundërshtoi.

Deputetët opozitarë iu afruan tavolinës së kryetarit, aktivizuan bomba me tym të kuq dhe të zi dhe shpalosën një pankartë ku shkruhej “Serbia po ngrihet për të rrëzuar regjimin”.

Partitë opozitare kishin paralajmëruar se s’do të jenë pjesë e punimeve të Kuvendit, përderisa studentët e qytetarët janë duke protestuar vazhdimisht në kërkim të drejtësisë për vdekjen e 15 personave në nëntor nga rrëzimi i strehës së një stacioni hekurudhor në Novi-Sad.

Botë

Holandezi Rutte merr detyrën e Sekretarit të përgjithshëm të NATO-s

Published

7 months ago

01 October, 2024

Redaksia

Ish-kryeministri i Holandës, Mark Rutte, ka marrë sot detyrën e Sekretarit të ri të përgjithshëm të NATO-s. Me një ceremoni solemne në selinë e aleancës në Bruksel, Rutte ka filluar mandati i ri në të cilin e zëvendëson Jens Stoltenbergun pas mandatit 10 vjeçar të tij në krye të kësaj aleance më të madhe ushtarake në botë.

Në konferencën e parë për media si sekretar i NATO-s, si prioritete kryesore Rutte përmendi forcimin e aleancës në reagimin kundrejt sfidave dhe rreziqeve të përbashkëta, ndihma për Ukrainën dhe përballja me sfidat globale.

Sipas tij, rol kyç për aleancën veri-atlantike ka edhe bashkëpunimi me vendet anëtare të BE-së dhe SHBA-të si në forcimin e brendshëm ashtu edhe për mbështetjen e Ukrainës.

Mark Rutte deri në marrjen e detyrës së re, shërbeu si kryeministër i Holandës në periudhën 2010 -2024.