Connect with us

Ferizaj

Ku shkuan 800 mijë euro nga projekti në rrugën Emin Duraku?

Published

on

Bodrumet në qytetin e Ferizajt më së shumti përdoren nga ndërtesat e larta si vend për parkimin e veturave. Bodrume ndërtojnë edhe personat që jetojnë në shtëpi.

Sipas disa ndërtuesve Ferizajas,për të ndërtuar një bodrum të ndërtesës shumëkatëshe, së bashku  me pllakën e parë të shtruar sipër, për objektet më të larta mund të kushtojë nga 600 deri në 800 euro për metër katror.

Megjithatë, ky vazhdim i nënkalimit për këmbësorë tek rruga “Emin Duraku” në Ferizaj, që pak dallon nga një bodrum i thjeshtë,  taksapaguesve u ka kushtuar rrafsh 1 milion e 87 mijë euro.

Monitorusi i Organizatës INPO, Qëndrim Arifi thotë se që nga fillimi i këtij projekti kishte mjegulli sepse u favorizua një kompani që fiton shumicën e tenderëve në Ferizaj.

Arifi tregon se në këtë tender kishte edhe diskriminim pasi që në kërkesat e aspektit teknik kërkohej që kompania t’i ketë 70 punëtorë e madje edhe ishte shkurtuar afati kohor për pranimin e ofertave.

“Është paradoksale që edhe ky nënkalim edhe një park që ka ekzistuar këtu janë shkatërruar këtu për këtë “Bashkim të Qytetit”. Ende më paradoksalisht është se ato projekte kanë qenë të PDK-së, është keqmenaxhim i parasë publike dhe keqpërdorim sepse po prishet një nënkalim që të rregullohet një nënkalim tjetër i cili i ka të njejtat karakteristika dhe ka një kosto tri herë më të shtrejntë. Kjo qështje është për organet e drejtësisë, ne i shohim specifikat, i shohim paramasën mirëpo nëse nuk je ekspert sidomos i ndërtimtarisë e ke të vështirë ta identifikosh se në një shtyllë betoni, a janë tre metër kub aty apo janë dhjetë sepse nuk jemi të asaj lëmie. Një nënkalim i njejtë të kushtoj trefish më shtrenjtë, kjo është dashur të shërbente alarm për organet e drejtësisë po ne po e shohim se sa alarmohen ata, qoftë nga reagimet e më herëshme për këtë projekt. Ne vetëm brenda vitit kemi pasur dhjetra reagime për Komunën e Ferizajt por rezultate nuk ka. Nuk kemi as njoftim për vazhdim të hetimeve ose paradoksalisht, hetimet mbyllen pa u konsultuar me personin që ka bërë kallëzim penal. Kemi një sistem të çuditshëm.” 

Qëndrim Arifi – Monitorues i INPO-s
Qëndrim Arifi – Monitorues i INPO-s

Nga një përllogaritje e thjeshtë, nëse e marrim çmimin më të shtrenjtë për ndërtim  të një bodrumi prej 200 metrash katror, del se një projekt i ngjashëm si ky, i cili u menaxhua nga komuna e Ferizajt, do të kushtonte më së shumti 160 mijë euro.

Televizoni TEMA kërkoi përgjigje nga ekzekutivi komunal pse vazhdimi i një nënkalimi tanimë ekzistues duhet të kushtojë afro 1.1 milion euro, mirëpo Drejtori i Infrastrukturës në Komunën e Ferizajt, Arbër Bytyqi refuzoi që shikuesve tanë t’iu jep llogari lidhur me këtë çështje.

Nënkalimi i parë i hapur para më se 10 vitesh, kësaj komune i kishte kushtuar vetëm 324 mijë euro.

Ndërsa tani, se ku shkuan mbi 800 mijë euro tepricë nga ky projekt i ri, kjo i mbetet institucioneve shtetërore që ta hulumtojnë.

Continue Reading
Click to comment

Leave a Reply

Your email address will not be published. Required fields are marked *

Ferizaj

Visar Azemi kandidat i LDK-së për kryetar të Ferizajt

Published

on

Visar Azemi është zyrtarisht kandidat i LDK-së për kryetar të Ferizajt.

Kandidatura e Azemit, i cili njëkohësisht  është edhe kryetar i degës së kësaj partie në Ferizaj,  u konfirmua në takimin e sotëm të kryesisë së LDK-së.

Në konferencën për media pas takimit të kryesisë, kryetari i LDK-së, Lumir Abdixhiku, bëri të ditur emrat që i kanë zyrtarizuar të jenë kandidatë për kryetarë të shumicës së komunave në zgjedhjet e 12 tetorit.

Abdixhiku tha se të gjithë emrat janë votuar pa asnjë kundërshtim e abstenim. Kështu, për kryetar të Prishtinës do të garojë Përparim Rama, për Lipjan Imri Ahmeti, për Obiliq Xhafer Gashi, për Fushë Kosovë Besnik Osmani, për Podujevë Ekrem Hyseni, për Drenas Gazmend Heta, për Vushtrri Xhafer Tahiri, për Mitrovicë Gëzim Plakolli, për Pejë Gazmend Muhaxhiri, për Istog Ilir Ferati, për Junik Ruzhdi Shehu, për Deçan Jeton Mushkolaj, për Dragash Behgjet Xheladini, për Prizren Driton Selmanaj, për Suharekë Ardian Shala, për Ferizaj Visar Azemi, për Shtime Kastriot Shabani, për Shtërpcë Valmir Ahmeti, për Viti Sokol Haliti, për Gjilan Arbër Ismaili, për Artanë Bajrush Ymeri, për Gjakovë Shefqet Shehu dhe për Rahovec Burim Krasniqi.

Sipas Abdixhikut, kandidatët për kryetar në Klinë, Malishevë, Kaçanik dhe Kamenicë do të zyrtarizohen ditëve në vijim.

Continue Reading

Ferizaj

Është ndarë nga jeta veterani Naim Ymeri, epror i UÇK-së, TMK-së dhe FSK-së

Published

on

Është ndarë nga jeta eprori i Ushtrisë Çlirimtare të Kosovës Naim Ymeri.

Lajmi u bë i ditur në Facebook nga Organizata e Veteranëve të Luftës së UÇK-së – dega Ferizaj.

Ymeri, gjatë luftës ishte epror i lartë në Zonën Operative të Nerodimes në Ushtrinë Çlirimtare të Kosovës, shef i G1 personelit, derisa pas luftës shërbeu në TMK dhe në Forcën e Sigurisë së Kosovës deri në pensionim.

Në nderim të jetës dhe veprës së tij në shërbim të atdheut, nën patronatin e FSK-së, ish-Komandantit të Zonës Operative të Nerodimës dhe OVL-UÇK-së Dega në Ferizaj, sot 08.07.2025 do të organizohen ceremonitë mortore:

12:00 – Akademi përkujtimore në Sallën e Kuvendit Komunal të Lipjanit

14:00 – Homazhe pranë arkivolit në Kazermën e FSK-së – “Skënderbeu” në Ferizaj

18:00 – Ceremonia e varrimit, në varrezat e fshatit Gllogoc – Lipjan

#

Continue Reading

Ferizaj

Policia në Ferizaj shqiptoi mbi 1700 gjoba dhe pezulloi 33 patentë shoferë

Published

on

Për periudhën nga 30.06.2025 deri më 06.07.2025 në Policinë e Ferizajt janë raportuar 31 aksidente komunikacioni.

Sipas Policisë, në 12 aksidente u lënduan 21 persona ndërsa 19 aksidente të tjera ishin me dëme materiale.

Për të njëjtën periudhë, Policia e Kosovës ka shqiptuar 1,715 gjoba për kundërvajtje në komunikacion derisa janë pezulluar 33 patentë-shoferë për drejtuesit e mjeteve që kanë kryer shkelje të rënda në trafik.

Continue Reading

Trending