Ferizaj

Mashtrimet me tendera në Komunën e Ferizajt (Pjesa I)

Published

5 years ago

13 October, 2021

Organizata joqeveritare INPO, e cila e bën monitorimin e rregullt të prokurimeve publike në nivel vendi, ka publikuar sot raportin “(Pa)ligjshmëria e tenderave të anuluar”, ku prezenton të gjeturat e veprimeve të paligjshme gjatë procedurave të prokurimit në 20 komuna të Kosovës gjatë vitit 2020.

Në pjesën e raportit për Komunën e Ferizajt, INPO ka gjetur se Komuna e Ferizajt ka bërë manipulime me afate ligjore dhe deklarime të rrejshme gjatë disa procedurave të prokurimit në vitin 2020.

Kështu kjo komunë ka bërë mashtrim ose deklarim të rremë kur e ka anuluar tenderin “Mirëmbajtja dhe riparimi i automjeteve të Administratës Komunale dhe institucioneve të tjera që funksionojnë në kuadër të Komunës së Ferizajt” me arsyetim se “Është tejkaluar vlera e parashikuar e kontratës” gjatë pranverës së vitit 2020.

Vlera e parashikuar e këtij tenderi ka qenë 43,930.00 euro, ndërsa oferta e kompanisë “Autobeka” ka qenë 23,682.52 Euro, pra shumë më e ulët se “tavani” i tenderit. Sipas këtij raporti, Komuna e Ferizajt, përveç se i ka shkaktuar dëm financiar kompanisë “Autobeka”, edhe përfaqësuesve të saj ua ka pamundësuar qasjen në dokumente të tenderit, me ç’rast këta të fundit e kanë humbur edhe mundesinë e parashtrimit të ankesës.

Sipas Kodit Penal të Kosovës, vepra mashtrimit kualifikohet si vepër penale, e cila denohet sipas Nenit 323 me gjobë dhe burgim nga 3 muaj deri në 5 vjet.

Ferizaj

Gjobitet me 500 € për ndezje zjarri në Sojevë të Ferizajt

Published

34 mins ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

6 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

2 weeks ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.